陈淑兰提旧爱独欠黎明引揣测？曾自爆当年因一个原因分手 享受单身唔Lonely
2023-11-26 19:00 
88年港姐亚军陈淑兰早前与周国丰和伍仲衡开live，有指因莫可欣介入而与方中信分手，令4年情玩完，陈淑兰曾为此而怒掴对方，开live期间有网民留言：「兰子打过莫可欣一巴」，陈淑兰未有开名地说：「我有，唔止一巴，不过讲完就算喇！」事件惹来不少风波，其实当日在直播上，陈淑兰亦有提到亦与旧爱祈文杰等前度的关系，陈淑兰称与大部分前度都能做得返朋友，但偏偏未有提到旧爱黎明。
【相关阅读】：陈淑兰罕谈曾怒掴港姐冠军！直认「唔止一巴」 与方中信4年情疑被介入：我好嬲
【点击睇陈淑兰旧情】：
陈淑兰过往多段感情，不过就表示自己现时没有拍拖，坦言现时一个人都好开心：「我五年冇拍拖喇！好多人觉得我好惨，好似会孤独终老，我觉得最紧要系健健康康，我屋企有4狗3猫2雀，真系好热闹！我一啲都冇Lonely。我而家系随遇而安，feel到唔得唔好嘥时间，而家生活好开心，好多朋友冇结婚，大家出嚟吃喝玩乐好开心！」但陈淑兰其实在1991年，曾于节目访问上自爆曾与黎明发展过一段登台情缘，可惜因自卑心作祟，认为自己衬不起贵为天王级的黎明，所以主动提出分手。
【点击睇陈淑兰传奇半生】：
陈淑兰当年在毛舜筠为有线娱乐台主持的《好女人系列》录影访问，主持人问及她的感情生活时，自爆方中信拍拖之前，原来曾与黎明发展过一段登台情缘，当时同行还有毛舜筠，陈淑兰说：「其实当初我未接触过黎明之前，好憎黎明，觉得佢唱歌五音不全，但自从九一年同佢一齐去美国登台之后，就觉得佢好可爱。」
当时两人合唱《祗有情永在》，因她忽然忘记歌词，黎明便捉实她的手，然后用口形提她歌词，兰子说：「我系一个好容易被人电到嘅人，佢捉住我嗰阵，我当堂领晒嘢，佢眼神原来好厉害，佢提我歌词嗰阵，我觉得呢个人系保护我，系英雄。通常去到外地，大家都会互相照顾，所以后来佢同我好多时都会一齐。尤其去到外地冇乜压力，咁咪放纵一吓。」
陈淑兰遇上黎明前未知道甚么叫爱
陈淑兰又说在遇上黎明之前，还未知道甚么叫爱：「我成日祈祷，希望有机会畀我知道乜嘢叫做爱，结果冇几耐就去登台，当时个感觉就好似喺云上面飞，系一个好飘然嘅日子，好开心嘅日子：「我但求开开心心，咪话畀自己听呢个系fantasy罗。我同佢讲，返到香港之后大家唔会再见，一切都会完，估唔到返到香港之后重会搵我，我好开心，我试过call佢机，话我好爱佢，但我冇期望可以同佢发展，佢系一个天王，我觉得我衬佢唔起。」最后陈淑兰决定将一切放低：「呢个白马王子个个都想拥有，由始至终系自己一厢情愿。」
不过陈淑兰子其后澄清没有与黎明拍过拖：「其实我嗰日做访问嘅时候好似游紧云咁，因为我食咗啲感冒药，唔系好清醒，我只系单恋黎明，佢系唔知嘅。」黎明当时亦笑说：「传闻就当然无，真实就唔知喇。(佢话暗恋过你)我暗恋佢多啲，不过无论明同暗都系好耐之前嘅事。」他又称两人好朋友，陈淑兰的为人一切好好「锺意讲乜就讲乜」。
【相关阅读】：
陈淑兰为旧爱祈文杰生日献上香吻 分手后关系亲如家人般爱护疼锡
陈淑兰揭身世非妈妈亲生！丧母一年母亲节前倍感触 病母临终爆惊人秘密即验DNA
53岁陈淑兰罕有露面撞样60岁关之琳 鬈发配烟熏眼妆相似度极高
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应