雯雯反击老公借钱去私院生仔论！自揭生B靠家人找数 张致恒懒理炮轰继续「搲着数」？
2023-11-22 21:00 
有「离婚KOL」之称的张致恒（Steven）与区燕雯（雯雯）结婚四年抱四，不过雯雯多次公开炮轰老公张致恒又懒又废，甚至自爆一家陷入经济困境，屡次传出婚变的雯雯，在本月初再次嗌离婚，甚至声称将4名儿子的去向交由社工和相关人士决定！目前在情趣用品店打工的张致恒，昨日（21日）又爆出与fans有钱银轇轕，声称当年张致恒曾向这fans借钱，原因是因为老婆要去私家医院生仔，今日（22日）雯雯再对老公开火！
【相关阅读】：张致恒网上推销情趣用品爆骂战 称无钱开饭反遭前粉丝控诉扮可怜多次借钱
【点击睇雯雯又怒轰张致恒】：
雯雯今日（22日）在IG限时动态踢爆老公讲大话：「第一次私家医院生仔，佢未出事，出院条数系我屋企人找；第二次私家医院生仔，条数一样系我屋企找；第三次政府医院生仔，出院几百蚊，佢一样冇，都系我屋企人找；第四次政府医院生仔，几百蚊，系我生之前留起咗钱，自己找嘅。我系唔会再受呢啲委屈，唔该佢要借钱生活，的确系为屋企，但系唔好将所有嘢推落我度，冇人睇小朋友，我要照顾，出唔到去搵钱，我已经谂尽所有嘅方法，可以有照顾到小朋友又搵到钱，屋企嘅生活费。去到今时今日我都系有份付出去搵，无知嘅人净系识得闹，亦都有人净系觉得佢为咗屋企已经付出好多？麻烦大家叫佢企出嚟真真正正同大家讲所有事情嘅事实，先好去闹我！」
【点击睇张致恒夫妇婚变日常】：
【其他文章】：
其后雯雯又再出PO，她说：「最后，生唔生小朋友，已经同佢系一个值唔值得嘅男人冇关系，最重要系，我会喺之后嘅路努力照顾好佢4个。」张致恒采取一贯不回应的作风，反而贴上一张大闸蟹的相片，言谈间「卖惨」地说：「都唔知几多年冇食过大闸蟹，好食到黐线！」接着再「搲着数」：「我都好锺意食三文鱼㗎！」
事缘张致恒日前在社交网出Pos推介情趣用品，有网民留言直斥张致恒作为公众人物，公然叫人买性玩具，「有无谂过会影响小朋友？」结果张致恒嬲爆反击，接着有另一声称是fans的网民留言爆出钱银轇轕：「其实讲咁多做咩？？你哋直接帮佢买嘢，然后等佢可以直接到达业绩就可以啦？！我曾经当呢个人系偶像，但佢连fans都唔放过一次又一次咁问我借钱，原因就系因为老婆要去私家生仔。你问下佢记唔记得我系边个呀！搞到今时今日咁，系边个造成？！曾经接济过佢几多次，对佢失望过几多次。你哋会明真心当佢系偶像，对佢好，然后换嚟伤害嗰种感受嘛？！佢有无同粉丝道歉呀！？一句都无呀？依家扮晒可怜。」张致恒同样采取零反应。
【其他文章】：
爱回家丨三太神还原「蚊蚊」直播爆家事吸粉 张致恒老婆又嗌离婚兼放弃四个仔
雯雯「你问我答」霸气亲解闹离婚仍造人 张致恒否认性上瘾被问偷食原因
张致恒四仔满月！一家六口齐庆祝 蛋糕疑有赞助夫妻齐卖广告搵真银
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应