独家丨63岁蔡枫华冇女都唔会「食粉丝」:会身败名裂㗎 自揭跟港姐有雾水情曾被肥胖女歌手屈

疫情后蔡枫华(Ken)不断开骚，继去年10月及今年6月先后举行4场个唱，本周5及周6再演两场。他咬牙切齿表示：「我呢个年纪(63岁)仍然敬业乐业，唔使旨意赶绝我！」激动过后，「红唇王子」开心自爆当年好有市场，曾跟3位港姐亚军有过雾水情缘，好命嘅话一早有后代，虽然目前单身，强调唔急搵另一半，但又叫记者介绍，又讲明「唔会『食粉丝』！」对于被封「乜王」多年，开到口希望大家可怜吓老人家，更不吐不快大爆曾被肥胖女歌手老屈，嬲到今时今日。采访：方骞平 摄影：朱伟彦 场地：鮨勘@尖沙咀海运大厦

蔡枫华于本周5及周6移师香港文化中心举行两场《蔡枫华「永记情深」演唱会》，他强调在文化中心周五及六晚开骚唔容易，但终极目标，希望有生之年再登红馆开个唱，因为11年前，张耀荣只为他开一场唔够喉。

蔡枫华多年来坚拒食「免费餐」，绝对唔会玩one night stand。

Ken向来对感情好认真。

Ken叫记者好介绍女仔给他。

阿Ken自爆曾「被派帽」。

蔡枫华强调做艺人要有道德唔会「食粉丝」。

今次拣喺文化中心，仲系周5/6晚开骚，阿Ken话相当难得。

阿Ken对上4场荃湾大会堂演唱会叫好叫座。

11年前阿Ken红馆开Show，但只开一场唔多够。

真系冇作歌畀陈秀珠

Ken期望似刀郎可以凭《罗刹海市》大翻身，透露今次开Show将演绎自家创作的全新情歌。他又解释第一首作曲嘅经典歌《倩影》，绝对唔系传闻中为陈秀珠而写：「嗰时我经已有女朋友，只不过拍广告时认识陈秀珠，有晚我哋喺九龙城街头相遇，咁啱有空档就去咗尖沙咀饮杯咖啡，期间有向佢提及过首歌，可能佢将两件事加埋咗。佢仲好笑，当时泼我冷水话『唔慌会好听！』」

阿Ken否认处男作《倩影》为陈秀珠而写，讲极都冇人信。

1984年陈秀珠演《笑傲江湖》嘅任盈盈，迷倒唔少男士。

问记者有冇女仔介绍

阿Ken澄清多年野史后，再自爆真系有作过情歌畀女艺人，但就不便开名，「佢哋个个住豪宅，有仔有女，有个结(婚)得好好，有个结完又离…」语毕，他又兴奋地爆多少少：「我曾经同3位港姐亚军食过饭，个个靓女嚟搵我，但我冇感觉，自己用情好专一，而且唔锺意娱圈嘅男女关系，亦自觉好卑微，当时系红又有乜用？又唔系发哥搵到咁多，冇亿亿声，所以同佢哋讲：『你哋系属于有钱人家。』哈！所以我好羡慕李克勤、陈豪咁好嘢，可以娶到港姐冠军，连靓女都肯下嫁。」阿Ken亦曾「被派帽」，女友一脚踏两船，他自嘲：「绿帽唔怕戴，最紧要除得快，不怕人负我，只怕我负人，当年我系偶像派，签婚书会死人，但对方会质疑。当时我同佢(女友)表明『你走还走，留低个仔畀我。』点知佢落咗，仲叫我放低5000蚊畀佢…」

80年代，港姐质素好高，包括82年港姐亚军邝美云。

86年港姐亚军吴婉芳都好靓女，唱歌又好听。

蔡枫华以前有「红唇王子」封号，1981年跟庄静宜合演剧集《IQ成熟时》好靓仔。

当年靓仔「芹菜」于剧集《IQ成熟时》跟邓蔼霖合作。

昔日「红唇王子」蔡枫华演三角关系。

阿Ken当年系剧集男一。

蔡枫华羡慕陈豪有靓老婆陈茵媺。

羡慕李克勤娶到港姐冠军卢淑仪。

阿Ken声称63岁冇人要：「𠵱家都系搵个伴嚟陪我啫，你(记者)有冇好介绍？」另外，他择偶有原则，一定唔会「食粉丝」：「作为公众人物要有啲德行，试过喺disco门口有女仔冲上我车，我点敢呀？会身败名裂㗎。而且Fans视偶像系神级，不吃人间烟火，原来都系会挖鼻屎及大便嘅麻甩佬，自然会嫌弃你。」

阿Ken仍有唔少「蔡粉」，但他认为女人多就好麻烦。

Ken年年搞生日会和fans聚会。

唔好再讲「乜王」会还手

问阿Ken觉得在乐坛处于咩位置，他称只系「small potato」：「但我有真正香港人精神，俾人屈、奚落、陷害咗咁多年，我冇EQ仲生存到今时今日？」他不忿说：「你知唔知我承受咗几多嘢呀？有个身型非常肥胖嘅女人(女歌手)，公然话帮过我好多，又唱我攞嚟衰，佢帮过我乜呀？我成世人冇同佢讲过5句说话。」对于「乜王」及「一杀那光辉不是永恒」事件，阿Ken仍耿耿于怀：「我真系忍咗好耐，大家可怜吓呢个老人家啦，我都系人嚟嘅，𠵱家我当自己系抗日战争，边个赶绝我就会还手。」

肥妈一向好锺意帮人，心地好好。

阿Ken咬牙切齿强调唔系「乜王」，仲话，「如果系，点会开到咁多场个唱？」

阿Ken对「一杀那光辉不是永恒」风波仍然耿耿于怀。

蔡枫华(Ken)跟张国荣冇心病。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ