星8卦｜「姣精」冧掂「一号」以为享福衰贪心一铺过自断米路

2023-11-21 11:00

女人最忌系乜？贪心罗！「姣精」一向都好叻搵老细，咁多年身家丰厚，唔觉意咁同其中一位生咗个仔，但「老板」话费事麻烦，畀咗笔钱佢仔乸都唔要。而呢个仔成20岁至公开人前，大家都好诧异，老窦系边个，连阿仔自己都唔知，因为当初两个人签咗保密协议。

不过讲经典，「姣精」最成功就搞掂「一号」，以为自己从此一世无忧。相好过几次之后，「姣精」用尽一生功力，谂住绑实呢只金蛋。不过，每次交易「一号」都好小心，怕留手尾，更惊俾人知，但又真系好冧「姣精」，次次畀现金乾手净脚。但「姣精」嫌麻烦，就同「一号」话已经咁熟就唔使担心。「一号」亦想试下佢到底系咪可以长久发展吓，于是留底咗一张无写银码嘅支票，睇吓佢会点样处理。

结果「姣精」以为自己执到，谂都唔谂就填咗差唔多成千万落去，仲鬼咁兴奋即刻去银行入数。由于银码太大，银行梗系唔敢随便入票，打电话畀「一号」嘅助手，对方早就预咗，所以叫银行过咗条数嘅十分一畀「姣精」，从此亦自断米路，如果唔系，今日女首富都有得佢做啦！