刘銮雄记者会丨讲完《东张》再讲《爱回家》女演员 首次接触潮语「坏过凯婷」：吓？
2023-11-10 18:17 
富商「大刘」刘銮雄今日（10日）突然召开记者会，澄清内地多篇文章指他命危，将「甘比踢出局」等失实传闻，虽然未有指名道姓，但其间多次大爆旧爱吕丽君臭史，更直呼对方为「贱人」。今年初记者会大刘更提到《爱．回家之开心速递》角色「食屎陈师奶」，今日大刘再讲《爱回家》外，还提到《东张西望》，又回应记者讲潮语「坏过凯婷」，非常爆笑。
【相关阅章】：刘銮雄记者会全程直击！大刘透露将改遗嘱「执行老婆意思」 坦言开记招目的：至少还一个公道畀太太
【点击睇大刘记者会】：
批《爱回家》某女演员笑得硬胶
今日记者会尾段，身为粉丝的大刘被记者问到有无继续看《爱．回家》，大刘直说：「有！」至于有无叫子女多点「回家」，大刘斩钉截铁的说：「无！因为佢哋个个都会。」之后大刘还续言：「你讲起《爱回家》就好笑，我见到有个角色，唔开名啦，废事话我针对佢；佢笑起上嚟真系硬胶，肌肉实到唔识郁㗎！（边个啊？男定女？）男就好少整到咁硬胶，梗系女㗎啦，啲肌肉真系硬晒唔识郁，咁人哋都系为咗搵食。」
以《东张西望》个案作例子
记者会期间，大刘亦提到全城热爆的节目《东张西望》，原来大刘睇《爱．回家》前也有睇《东张》，提到分身家一事，大刘就以《东张》日前的个案作例子：「有冇睇早排《东张西望》？有个肥女人嫁咗四次，结果连个仔公屋个名呃埋。」
除电视节目，自称不会用电话、电脑的大刘，今日亦经记者接触到潮语「坏过凯婷」。大刘狠批「贱人」我见坏人都见唔少，但咁X贱咁X坏嘅人，都系第一次见。」此时有记者问：「坏过凯婷？」大刘显得有点一头无绪：「吓？坏过咩？咩凯婷？」记者解释是潮语，意指好坏嘅女仔，大刘说：「我唔知，真系唔识呢啲嘢，我呢啲又老又out，而家识喇，但我都唔知咩意思。」记者续说：「食烟就系坏，佢（凯婷）食够两支。」大刘：「咁你认为食烟坏唔坏，你话食白粉、食可卡因，定系食烟坏吖？」意外拆解凯婷食两支烟其实不算太坏！
评恒大歌舞团：好大个箩柚
记者会上亦提到恒大损手一事，其间有大刘问到有否去过「恒大歌舞团」，大刘直说：「第一，真系完全冇，我发誓！第二，好多大陆朋友最兴用女色嚟Please男人，你认为大陆朋友用女色嚟please我work唔work呀？唔work罗我同你讲，讲完啦，嗰啲咁嘅嘢第一，虽然我今日又老又企都企唔稳，我都唔系要识嗰啲咁嘅……」
不过大刘直言有见过「恒大歌舞团」的照片：「有冇睇嗰啲相呀？个个箩柚都着咗打底裤，都好大个箩柚，我见到啲相咋，我未见过啲歌舞团。每个人做生意方式都唔同，起码你冇乜听过我搵班靓女出去应酬呢啲商界朋友，个个style都唔同。」
【其他文章】：
刘銮雄记者会丨大刘爆有人一支牙膏一张单分3次claim：再喺超市执单嚟claim
刘銮雄记者会丨赞太太甘比「好听我话」：佢清楚啲钱系我好辛苦赚返嚟
刘銮雄记者会丨暗指吕丽君请人做打手造谣 撑太太甘比助赚过200亿
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应