专栏｜沙贝鲁根神奇顶级超卓

小弟近排忙于学校嘅琐碎事，加上呢个星期都系本土国内杯赛，好多都系望一望，但真系估唔到拜仁慕尼黑不敌沙贝鲁根。

沙贝鲁根呢支德丙球队位于德国西南部，原来已经成立咗120年，一路都喺德国西南地区联赛打滚，直至2019/20球季先升至德丙，不过都系寂寂无闻。

睇呢队波就要留意下嚟自恩高斯泰特免费转会过嚟嘅马素加奥斯，呢位球员34岁已经好多经验，加盟后12场德丙加2场德国杯都系交到货，19次Chances Created，仲有1入球2助攻，可以话认真唔错。加奥斯系来自德素多夫嘅青训，虽然一路都系浮沉于德乙德丙，定位都系中坚，不过真系进攻型，上场对拜仁佢补时6分钟射入嗰球波，入到禁区撞射，可以见到佢有相当嘅胆识，绝杀拜仁真系人生高峰。

第二位功臣当然系左闸法比奥迪米捷利，其中一幕最精彩就系以一敌二，先过甘美治再过利莱辛尼，真系睇到呆咗，仲可以喺白界线前出到波。而呢位球员只系20岁，真系可造之才。查此子源于禾夫斯堡嘅青训，去到沙贝鲁根都只系租借，睇嚟今季只要好好表现，重返德甲随时一鸣惊人。

沙贝鲁根嚟紧神奇之旅可唔可以继续行落去，即管睇下下一轮嘅抽签签运如何。Willhappy

-----

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ