独家丨余香凝曾担心做阿妈冇得捞匿埋喊 姜大卫睇淡奖项激赞林保怡好演技

姜大卫（John）和余香凝（Jennifer）第一次合作电影《白日之下》，后者更首度获提名金马奖最佳女主角，John哥大赞她演技有提升，而早已看淡奖项的他亦觉林保怡入围最佳男配角好合理，更即场开设临时演技讲座分析角色，相当精彩。另外，Jennifer原来曾担心生完女会冇得捞，被John哥取笑，「你思想咁旧嘅。」采访：杜杜 摄影：Stanley发型:Ken Hui@ArtifyLab(Jennifer) 化妆:Melody　Chiu@melodychiumakeup(Jennifer) 服装:Max Mara(Jennifer) 场地:1881 Heritage

John哥和Jennifer初次合作但一见如故，戏里戏外都似两爷孙相处。

John哥和Jennifer初次合作但一见如故，戏里戏外都似两爷孙相处。

John哥想挑战似傻非傻角色，加上想支持新一代电影人而接拍。

Jennifer认为获提名关键，「剧本好、团队好、对手好。」

John哥讲到跟Jennifer的首合作即露甜笑：「佢似唔似我个孙？！」明显对呢位「乖孙」相当满意，不过他最初曾搞错对方名字，「知道有呢个人，仲以为佘香凝，原来余香凝，拍嗰时已觉得几夹，好似孙同阿爷感觉。」他更大赞Jennifer演技有提升，「睇戏先觉得佢同之前嘅表现唔同咗，成熟咗，表情上唔做戏，但系有戏㗎！呢个几高境界，谂唔到咁快上到去。」Jennifer不信：「咁夸奖？！」John哥即说，「冇夸张，呢个角色同佢个做法，多少少就唔得，冇表情得嚟有戏，好高境界，我都未得，多多指教，哈哈！」

John哥赞Jennifer在戏中表情不多，但好有戏。

John哥赞Jennifer在戏中表情不多，但好有戏。

John哥赞保怡恰到好处

Jennifer开拍前担心John哥会好cool，原来超亲切，「会同周汉宁、梁雍婷、梁仲恒一齐食饭倾偈，我哋会问佢一啲好低能问题，例如『你哋系3兄弟，点解唔同姓嘅』哈哈！」啱玩之馀，John哥在演出上亦发挥好大助力，「成日有啲好得意嘅设计帮到角色，例如我每次想点烟，佢就抢咗去。」John哥解释倾剧本时，已同导演度咗。Jennifer追问：「但都系你谂出嚟？」John哥谦称：「大家倾，希望喺镜头前话畀人听食烟唔好。」

Jennifer赞John哥加入不少设计，令演出效果提升不少。

电影获金马奖5项提名，除女主角外，还有林保怡和梁雍婷入围最佳男、女配角，John哥赞3人实至名归，特别是林保怡，「我好早同老婆讲，保怡应该会入围，佢角色难做过我角色，当然我都做得唔错。」他再分析两个角色的难度，「我个角色，只要有啲心机，有啲成熟及经历都可以做到，而佢个角色难在，有啲做出嚟可能会over咗，有啲又唔到，但系佢啱啱好，𠵱家个个闹院长，唔系闹林保怡喎！呢个就系做戏做得好，将观众带入角色，去闹个角色佢就成功。」

John哥被对白「𠵱家唔知望乜」触动，设计角色不时眈天望地。

John哥赞林保怡演出恰到好处，获提名理所当然。

Jennifer婚后仍多机会

已是两子女之母的Jennifer坦言，做女时获提名会沾沾自喜，做阿妈后反而变得踏实，更自爆生完第一胎后曾担心前途，「直头试过喺屋企喊，好记得嗰刻抱住囡囡食饭，佢扭计我就抱佢出去𠱁佢，望住条街有人拍紧戏，觉得好近我但又好远咁。」John哥即刻出声，「点解你啲思想咁旧呢！？哈哈！以前做演员拍拖唔敢话畀人听，结婚生仔唔够胆畀人知，食饭去街都要收收埋埋，我哋嗰代睬你都傻，又去玩，又去饮酒，𠵱家咁多大明星边个未结婚，有仔女边个唔知，观众𠵱家唔会care，系睇戏唔系睇偶像，唔同晒，呢套戏帮返你。」Jennifer感恩婚后仍有不少机会，「人哋有好多选择，都愿意相信我做妈咪之馀，都可以投入到演戏，我要攞个平衡继续努力。」

Jennifer得知获提名一刻，兴奋到揽着妈咪和囡囡狂喊。

Jennifer生完头一胎后，曾担心演艺生涯会玩完。

76岁的John哥4岁已当童星，早在1970年已凭电影《报仇》，成为香港首位荣获《亚洲影展》最佳男主角的演员，入行超过70年的他，对奖项早已看淡，「有奖又好，冇奖又好，你觉得帮到我咩！？可能系片酬，记得拍《十三太保》外景，记者冲晒嚟，『John，你攞咗最佳男主角』，我话『系咩唔该晒』，跟住拍完喺上面跳落嚟个镜头，就去瞓觉，有冇得奖冇关系，只要每部戏尽力去做，得到观众认同。」John哥又补充，称拍过好多戏，只有两部戏攞奖，但观众仍然记得其他电影，「有啲我都唔记得咗，OK㗎啦！」他又鼓励Jennifer，「唔希望你今日攞咗奖，就畀自己压力，下部戏因为系影后要做好啲，No！唔系影后都要做得好。」

John哥1970年凭电影《报仇》荣获《亚洲影展》「最佳男主角」。

《星岛头条》新网站有更多精彩内容：http://www.stheadline.com/