香港人在北京丨蔡洁大露白滑美背借醉色诱陈展鹏：件晚装上半身只系得一块布！
2023-10-25 14:50 
台庆剧《香港人在北京》昨晚（24日）播出的一集，剧情讲到苏菲（蔡洁饰）陪同港仁（陈展鹏饰）去珠海倾生意，后来苏菲饮醉酒获港仁送回酒店，对港仁馀情未了的苏菲借着酒意告白：「点解你当年要失约，如果你有嚟到嘅话，我哋世界就唔同晒…」苏菲说罢情不自禁吻向港仁，而身为爱妻号的港仁最终把持得住，用手指放在嘴前拒绝苏菲献吻！
【相关阅读】：香港人在北京丨傅嘉莉「火鸡姐」造型掀讨论！改性感形象戴哨牙扮丑 瞓身致敬莫文蔚
【点击睇蔡洁露白滑玉背】：
讲到该场床上献吻戏，蔡洁受访时坦言没有尴尬：「大家都系专业演员，嗰场主要系讲个气氛，大家都系尽力去演出嗰场戏嘅氛围，展鹏厉害之处系唔会令你紧张，我哋喺轻松嘅氛围下完成拍摄。」蔡洁坦言获悉与陈展鹏合作时，曾经担心招架不住：「因为我嘅角色要Lead住佢嚟行，我喺度谂佢气场咁劲，我得唔得㗎？而陈展鹏喺剧中对住我同吴若希都系处于下风，但佢Carry得好好，演到港仁嘅可爱同天真面，一出场就会Catch到大家嘅眼球，但又唔会太锋芒毕露，我终于领教到视帝嘅功力。」
蔡洁练背肌操线条
提到大露背晚装大晒白滑玉背非常抢Fo，蔡洁笑言：「我都觉得个造型好靓，其实嗰件晚装上半身只系得一块布，但出嚟效果好靓！」谈到美白和健美心得，蔡洁大方分享：「我以前好锺意饮牛奶，可能同饮得多牛奶有关系！同埋我几喜欢练背肌，但唔系练大只嗰种，练背肌除咗可以保护脊椎令到女士线条更凸出，仲可以令到块面更Firm。」
另边厢Helen（吴若希饰）误打误撞下，为姑仔宝怡（戴祖仪饰）担任了幕后和音，从而被张帅（梁汉文饰）发掘歌唱天赋，邀请她参加踢馆赛，造就两姑嫂同台！今晚（25日）播出一集，Jinny和Joey将会合体献声，以型格「黑双煞」造型献唱《Crying》，两人一唱一和非常合拍，张帅最终选了Helen做学员，惹来宝怡醋意爆发！今晚吴若希和梁汉文将有一场拍摄宣传照场口，惟要近距离接触的两人全程怕怕丑丑，最终更仆倒收场。
梁汉文吴若希仆亲
讲到剧中有不少唱歌场口，吴若希受访时透露：「喺未拍呢套剧之前，我系未试过企喺一个咁大嘅舞台演出，所以有好多唱歌场口真系有一种开骚嘅感觉。而开完呢套剧之后，我先够胆开属于自己嘅个人演唱会，呢套剧喺唱歌事业方面真系帮咗我。」提到与前辈Edmond合作，Jinny大赞说：「佢亲和力好强，同佢做对手戏唔会好惊，同埋佢会令到我好想同佢倾偈，合作得好开心，好似多咗个哥哥咁！」
【其他文章】：
戴祖仪密实泳装露纤腰 蜜桃臀曲线尽现 网民睇到心心眼跪求三点式福利照
香港人在北京｜吴若希吊带睡衣生擒陈展鹏 大晒42寸长腿引网民「暴动」
香港人在北京丨吴若希再寸菊梓乔句句有骨 认一直无交流即场爆四字真言
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应