星级品味｜靠收藏天价Hermès手袋致富？樊亦敏揭成小富婆之道：要分散投资

2023-10-28 11:00

「隐形富婆」成为了樊亦敏近年的称号。现年52岁的她，不时被传媒指「戴成层楼出街」，樊亦敏曾戴炒价达500万的劳力士「彩虹地通拿」（Daytona Rainbow）出席公开活动，又曾携炒高达60万的桃红色鳄鱼皮Hermès Birkin现身，因而得名。但樊亦敏接受《星岛头条》访问时笑指：「我买嘢好佛系，唔会玩咩配额（配货），个袋炒到好贵，我宁愿唔买唔用。」

其实樊亦敏说的有迹可寻。翻看她出道多年的照片，先后见过樊亦敏的各式各样「行头」，可以看到樊亦敏的著用品牌有平有贵，当中包括Longchamp、Prada等等。

「我唔主张为咗炫耀自己嘅身份，去用或者去做任何一样嘢，我会觉得，唔系你用咗一个袋，或者用咗一只乜嘢表，就代表到你有几有钱，或者你系乜嘢（人）。」樊亦敏经常在出动私伙袋拍摄《爱·回家》，如Hermès Birkin、Kelly等私人珍藏都曾经在剧中出现。不过剧中「三太」的高调富贵，与樊亦敏本人不尽相同。

樊亦敏靓手袋逐个睇：

樊亦敏成小富婆之路：

樊亦敏1991年参选香港小姐，曾夺「最上镜小姐」。

樊亦敏曾是港姐三甲大热。

52岁樊亦敏被封圈中隐形富婆。

樊亦敏于《爱．回家之开心速递》饰演的「三太」。

樊亦敏嗲声嗲气说对白更令观众印象深刻。

剧中造型经常好浮夸。

曾穿贴身旗袍出镜。

樊亦敏被传身家丰厚。

樊亦敏被传多年来作多方面投资，股票、车及古董都有涉猎。

樊亦敏因「三太」一角富婆形象深入民心。

剧中都出动不少私伙名牌袋。

而观察「三太」过往的照片，可见她似乎锺情于升值潜力强的Hermès手袋。

有不少珍藏靓袋。

其他牌子靓袋亦有收藏。

配合不少打扮用不少靓袋。

樊奕敏（左一）20年前的样貌，跟现时分别不大。

因陈百强锺情Versace

「我自己本身觉得用名牌手袋唔系为咗炫耀，最紧要自己睇下咩场合用，睇下啱唔啱用。我都冇话特别锺意咩牌子，我买嘢好佛系，即系有就买，冇就唔买，见啱就买，我又唔会特登配额去买。」

樊亦敏自言没有特别锺情哪个品牌手袋，惟独是陈百强锺爱的品牌Versace便曾经令她「入坑」。「我好记得那时我好锺意陈百强，佢好锺意紫色，所以因为咁，我都好锺意紫色，那时我就系要搵一个紫色嘅手袋，嗰段时间我买亲所有袋都系紫色，亦都因为佢锺意一个品牌（Versace），所以我都锺意咗，因为佢啲手工亦都好靓，当时我都已经很疯狂，但都喺我可以应付到嘅范围。」

樊亦敏笑言自己「资历深」，基本上大小品牌的手袋都曾经拥有，而她会购买的名牌手袋，大部份都是因为欣赏其手工，「当然仲有佢嘅质量，即系会欣赏佢背后嘅故仔，我觉得（名牌手袋）系好似一件艺术品，系一件靓嘅嘢。」

不过樊亦敏坦言她购买手袋从来不是为投资，「我就唔会去为咗买一只袋去做配额，总之你买完呢个袋，就要买埋其他嘢嗰种，我就情愿拣唔买，你话个袋炒到好贵，我情愿唔买唔用。」她续说：「我觉得要量力而为，同埋自己嘅资源分配要分喺唔同地方。」

定期审视财政状况设定投资目标

的确如此，樊亦敏除了是圈中出名拥有Hermès的女星外，亦一直是传闻中因投资眼光独到而「致富」的女艺人。

提到投资，樊亦敏坦言无法分享「买咩最稳阵」，但她认为投资最重要是要自己做study，「你真系要知道嗰样嘢系乜，要自己睇多啲市场上嘅嘢，参考多啲，同埋选择一啲隐阵啲嘅嘢。」她指自己不时会审视财政状况，建立个人理财能力，「有啲嘢唔应该keep嘅就要放咗佢，同埋你自己心里面有个目标，例如买呢样嘢或者股票咩都好，到某个百分比，我大约赚到咁上下，我预咗咁多我就要放。」她认为女性有必要花钱投资自己人生，「要增值吓自己，因为唔同阶段有唔同做法」。

另外，樊亦敏认为投资选择重点在于不要道听途说，「唔好净系听人哋讲啲唔实在嘅嘢，你要去投资一样新嘅嘢，一定要做study，考量下呢间公司嘅背景，甚至乎系佢嘅业绩。同埋都系嗰句，你系要冇咗嗰笔钱都冇问题（先好投资）。」