独家丨ViuTV大手签《造星V》囝囝随时组男团 揭人气王Owen及Kakit冇份签约之谜

《头条日条》早前独家报道ViuTV将跟10位《造星V》囝囝签约，并于节目巡礼中公告加盟，报道出街后，大量造星迷都疑惑人气极高，深受Fans热捧的19岁赖天恩(Owen)及20岁邓家杰(Kakit)点解冇份，对报道有好大存疑。《ViuTV 2024》节目发布会已于上周五举行，签约名单亦跟本报独家报道的一样。据知情人士透露，ViuTV有跟Owen及Kakit商讨加盟，但两位小朋友「太有理想」，最终倾唔掂数。撰文:何里玉
 

Owen及Kakit分别19及20岁，咁鬼后生喺呢行大把机会啦。

Owen及Kakit分别19及20岁，咁鬼后生喺呢行大把机会啦。

IG有2万Followers，TG Group有1819名O2(Fans昵称)的Owen，及IG有2万4千 Followers，TG Group有2265名党员(Fans昵称)的Kakit在《造星V》由头带到尾，零负评又受广告客户欢迎，加上跳得，又唔算五音不全，最重要有超强观众缘，ViuTV将两人收归旗下真系百利而无一害。

Owen出Po透露会留在美国读书。`

Owen好可爱，呢个词典百看不厌。

Owen曾经跟《造星V》冠亚军一齐拍广告。

Kakit绝对系《造星V》嘅广告之王。

都系广告

又系广告

Kakit将于11月初跟《造星V》战友出Live。

 

呢个世界好大
节目发布会后，曾在访问中透露会转到香港读书，全力在港发展的Owen出Po，表示会留在加州读书，时机成熟会返香港，展示更多好嘢畀大家，言语间都相当无奈。据知情人士透露，ViuTV绝对有同Owen及Kakit倾合作。「听公司讲两个后生仔好有理想，尤其想行单飞唱歌，唔想公司分散投资，时下做新人唔易，佢哋扭三扭四要求多多，配合唔到就无谓阻人发达啦。」从另一途径得知，ViuTV的确想继MIRROR后再组男团，希望集群体力量，易啲捧人。「新签嗰班仔操吓先，睇吓之后点Group埋一齐，投资单人好辛苦，佢哋两个唔想配合，咁就由佢哋嘞。」

Kakit同Cho Lewis好努力经营社交平台，呢个关爱港人Po真心正。

《星岛头条》新网站有更多精彩内容：http://www.stheadline.com/