独家丨乐宜惨被「圈中人」呃400万：同佢唔系朋友合资8位数做医美生意唔熟唔食

2023-10-20 07:00

在「2021年世界最性感DJ」中排第8的「DJ女神」乐宜，去年7月跟「圈中人」及友人合资8位数，开设医学美容院并担任代言人，但开业不足半年已爆出金钱纠纷，乐宜更收到恐吓电话。今年7月，乐宜受访表示开美容院冇金钱损失，但《头条日报》收到乐宜密友报料，称睇唔过眼「圈中人」呃完老友钱当冇事，决定踢爆事件内情。本报向乐宜查问，她坦认事件并已交由司法机关处理，更称跟「圈中人」已绝交。采访：诺埃尔

乐宜是「2021年世界最性感DJ」第8名，在DJ界闯出名堂。

著名DJ Alan Walker来港开骚，任嘉宾的乐宜中门大开劲Sexy。

去年11月，乐宜有份的美容生意爆出金钱纠纷，身在美国的「圈中人」立即返港并称已交律师处理，乐宜则收到恐吓电话，因为吓亲即报警求助。今年7月，乐宜表示已跟「圈中人」拆夥，并语带相关：「嘥咗心机同时间，不过学到好多美容同做生意知识，因为所有嘢都亲力亲为。（同「圈中人」有冇联络？）冇再联络喇！都会再尝试做生意，但搵拍档会谨慎啲。」

乐宜有外号「DJ女神」，入行8年储落唔少钱，绝对系小富婆。

乐宜经常上载性感靓相到IG，难怪有46万Followers。

投资100万变500万

原来乐宜唔止嘥咗心机同时间，更怀疑被骗逾400万。乐宜闺密主动向本报爆料，「乐宜好信『圈中人』，因为『圈中人』早过乐宜入行，会提点吓好快熟络。」因为疫情，主力打碟的乐宜收入归零，虽然有积蓄，但都担心唔知要捱几耐，于是同「圈中人」倾诉，即被对方游说入股美容院，密友说：「『圈中人』同乐宜讲每人夹500万，搵埋『圈中人』中学同学，3个人夹埋1500万开医美店，仲话益乐宜做埋代言人，其实边算益啫，做代言人应该有钱收𠻹！」

乐宜曾经跟友人合资8位数创业。

密友又称「圈中人」当时跟乐宜表示想加快工作进度，但等唔切开公司户口，于是叫乐宜直接将500万过落她的私人户口，「乐宜好信佢咪照做罗！开铺后一段时间，乐宜开始觉得奇怪，唔知点解『圈中人』一直阻止佢同另一拍档单独见面。」直到有一次「圈中人」出埠，乐宜听到同事讲美容院唔够资金落广告，「乐宜奇怪合资咗1500万，几个月咁快用晒？于是趁『圈中人』唔喺香港，就主动问另一拍档点解每人夹500万都会唔够钱落广告，拍档竟然话唔系夹500万喎，每人夹100万咋！」两人沟通后，怀疑有人成本都唔使拎，仲有钱落袋，随即向司法机关举报外，更向「圈中人」追讨400万差额，「嗰时『圈中人』即刻喺美国返嚟，系咁求佢哋唔好公开件事，仲话会用尽方法还钱。」

去年11月，医美院爆出金钱纠纷，当时刚巧蔚雨芯跟陈静在美国。

承认同「圈中人」反目

乐宜日前出席活动，记者问到是否被「圈中人」呃钱，她冇否认，「我哋发现一啲帐目问题，同parter都觉得唔可以再合作，我哋两个一齐退咗股，cut晒啲嘢，有报司法机关，详情唔讲住嘞。」问到「圈中人」是否已还钱？她说：「所有嘢都处理好晒，好快我哋已经割席，完全冇关系，我同另一个parter就开始新嘅嘢。」