星8卦｜「短发」唔识擦鞋得罪高层挞着「有型」从此行衰运

2023-10-13 11:00

「短发」鬼妹仔性格，又未受过专业训练，好快就做女主角，初时因为生硬俾人闹到几乎无得翻身。「高层」初时以为「短发」屋企有个钱，谂住捞到些少油水。可惜「短发」唔系好识捞，对「高层」无表示不特止，仲傻头傻脑话佢贪心，传番去「高层」耳中，梗系死得啦。

「高层」心肠一向小家唔成大器，一直等机会将「短发」玩残，而且周围话畀人知呢条女唔掂，又锺意勾引男人。等到开部畀「短发」好有发挥嘅新剧，「有型」对佢生滋猫入眼，加埋合作多日见夜见，两个人乾柴烈火，越爱越激烈。「有型」前科唔乾净，成日同合作开嘅女人搞暧昧，当日娶个老婆返嚟摆，点知越嚟越索，无非都系顶佢嘅花心唔顺，执正自己将来有乜都唔怕搵唔到下一个。

「短发」由于无经验，对「有型」投入太多感情，出唔番嚟，所以俾「高层」搵到机会入位，系咁同公司啲管理层话佢要入雪柜，因为已经严重违反演员操守，搞人老公罪大恶极喎。最惨系几个单位对质时，「高层」竟然承认乜都系自己搞出嚟，因为好憎「短发」系要佢无得翻身。「短发」EQ劲高，听完之后，木无表情，无人知佢谂乜但自此之后，「短发」唔再信人，独来独往，都几阴功㗎！