独家丨尹光爆旧史曾劲嬲叶子楣:嗰阵死忍纵横歌坛68年大爆娱圈潜规则

2023-10-12 07:00

3个月前「AI尹光」Cover姜涛的《Dear My Friend,》及林家谦《一人之境》等歌曲成为全城热话，79岁尹光突然翻红更被封「光B」，收入激增8倍以上，更带挈他重返阔别14年的红馆，于11月4日举行《尹光WAN K.宇宙巡逻演唱会》，下年80岁(按当事人透露)生日更打算搞慈善Show回馈社会。见证香港乐坛兴衰，屹立不倒多年的尹光大爆娱圈潜规则，又开心分享3大襟捞秘技，边一个行业都啱用，再自揭收埋多年嘅「小器簿」。采访：方骞平摄影：邓国良

「AI尹光」令年青一辈认识尹光，「光B」笑言听歌当然要听真人发声。

尹光亲自透露原来明年经已80岁。

80岁嘅尹光真系Keep得好fit。

尹光明年会举行慈善粤剧骚回馈社会。

光b好可爱呀。

尹光心境仲好年轻。

1991年，当年酒廊及夜总会式微，「庙街王子」尹光一年登上3次红馆开个唱，创下佳绩，令打算转行的他起死回生。18年后，再举行《2009爆金烂演唱会》，连尹光都估唔到，时至今日获AI再推上红馆。今次除会选唱首本名曲《少理阿爸》、《雪姑七友》、《荷里活》、《数波波》等外，还会演绎「AI尹光」唱过嘅歌及首次演绎冧歌《Dear Myself》。至于可会请埋姜涛做嘉宾？尹光坚持交由主办方特高娱乐负责，因为他朋友太多不便参与。

「AI尹光」Cover林家谦《一人之境》成为热话。

「AI尹光」Cover姜涛的《Dear My Friend,》。

1991年尹光一年登上3次红馆开个唱，创下佳绩。

尹光融入年青人世界，2009年《尹光爆金烂演唱会》已搵农夫做嘉宾。

一身Barbie shocking pink西装的尹光，相隔14年再挑战红馆。

演唱会好有创意。

环星老板张国林安排光哥处男演绎冧歌《Dear Myself》。

尹光交由主办方邀请表演嘉宾，唔知姜B有冇份呢？

观众都想林家谦做嘉宾。

尹光努力练习二胡版嘅《Dear My Friend,》。

尹光同年轻艺人好玩得埋。

搞慈善粤曲个唱贺大寿

尹光谐趣歌曲风格无可取代，虽然「独市」，但曾赌钱输身家，每月跑数的他依然抱住天跌落嚟当被冚态度，只要有工开就唔怕冇钱还，直至1984年开始戒赌及储钱。尹光目前乘势狂接广告，坦言连坐喺度拍两吓掌声都有钱收，追问系咪搵好多？他即敏感收口：「唔讲钱，钱多少唔系问题，𠵱家最重要身体健康，我唔会饿死，好一餐；唔好又一餐。趁明年80岁生日，搞慈善粤曲演唱会，扣除一啲拍膊头开支，一个仙都唔收全数捐晒出去，回馈社会，亦永不言休。」

原来尹光明年迎来80大寿，打算搞慈善粤曲个唱回馈社会。

早年尹光偕太太李丽仪拍住上登台，一晚走多场还赌债。

趁明年80岁生日，尹光打算搞慈善粤曲演唱会。

最近尹光工作量激增8倍。

歌星越界交友只会变𤓓

唱足68年，好有经历的尹光勇于分享人生大道理及娱圈潜规则：「呢行人气相当重要，去到呢级不能爬上嗰级，一线歌星会有一线歌星班Friend，唔会同2、3线歌星玩，因为『我名咁大点会同你玩！』正如有钱人有上流社会朋友，穷人有穷人圈子，好正路。虽然有啲人口讲话乜都得，但未到嗰个位唔会知系点，好似啲人话中咗六合彩会分钱畀人，因为未有嘛，做咗皇帝就想升仙啦…不过，我好肯定唔会咁样对人，因为我只系一个唱歌搵食嘅普通人，任何人叫我合照都得。」

尹光自言唔系明星，作为普通人个个都可以跟他合照。

好识玩social media嘅尹光配合首本名曲，入主题公园寻找雪姑七友。

细歌星食得咸鱼抵得渴

自言睇化晒嘅尹光仲寄语后辈要忍得：「尤其细歌星要食得咸鱼抵得渴，鬼叫个名唔够人哋大咩！」尹光再自揭收埋心底多年嘅「小器簿」，称当年举行演唱会记招，明明自己系主角，受访中段记者竟跑晒过去搵刚到场嘅「波霸」嘉宾叶子楣，受冷待的他劲冇瘾：「嗰日好心酸，连主角都要企埋一边系会介意嘅，但都要忍呀！咁人哋系『波霸』咁有名，我『数波波』都有排数啦。」尹光坦言同行如敌国，唔抵得人哋红过自己，唔忍得系好戆居嘅事，「不过，𠵱家唔会再争风呷醋，因为我个位置冇人摄得到，全港歌手冇人唱我啲歌，如我喺日本就系政府包养嘅国宝，所以你锺意点就点，最重要行得、食得、走得，开开心心就算，我同叶子楣反而做咗朋友，不时会相约食饭。」另外，呢行信用好重要，他唱歌多年敬业乐业，有早冇迟，会落力记好歌词。