George@P1X3L称台湾拍节目瞓觉都冇时间 力证Phoebus同Alice纯「兄弟」关系

P1X3L成员欧镇灏（George）与甄吴露茜今日出席商场活动，George表示由细到大好少去露营，因为要返学又要做兼职，反而会打篮球，不过人越大越喜欢大自然，就连去旅行也会选择到乡下地方玩，并笑谓自己怕晒黑，当晒黑后好难变白。他说：「我唔锺意晒黑，晒黑咗好似第二个国家嘅人。」

George表示由细到大好少去露营，Lokman嫂直头未去过露营。

George称人越大越喜欢大自然，去旅行都锺意去乡下地方。

George想《那年盛夏我们绽放如花》的原班人马拍喜剧。

提到有份演出Viu TV剧集《那年盛夏我们绽放如花》赢得口碑，George笑言想原班人马拍喜剧，感觉反差大，精神压力亦不用太辛苦。另外，对于队友吴启洋（Phoebus）在台湾拍节目时搭上许宝恒（Alice），搞到跟正印张天颖分手。George说：「冇呢件事！我哋喺台湾瞓觉都无时间，都系专注表演。」George又指Phoebus好少提感情事，亦没有特别讲分手，P1X3L三位成员一齐都系打机同工作，不会谈及感情生活，亦只当Alice是兄弟。问到对张天颖的印象？George表示只见过一、两次，只是活动上见面，也不会过问队友感情事，因为男仔会觉尴尬。谈到可会叫Phoebus在感情上收敛？他说：「我无刻意去谂呢样嘢，感情事锺意几时公布就公布，我支持佢。（有指张天颖被分手？）我唔知。」

George同Phoebus唔会讲感情事。

同场出席的甄吴露茜（Luxi）未去过露营，但也想尝试与一班朋友及男友Lokman（杨乐文）一齐去高级露营玩，并笑指Lokman从澳洲回港后也很忙。她笑说：「佢喺澳洲买咗两件衫畀我，仲话摄时间去先买到，都感动嘅！系我叮嘱佢要买手信畀我。」Luxi透露有计划跟男友Lokman到欧洲旅行，但待对方有时间先，亦否认婚讯。她说：「我都唔知边个传出嚟！我哋无定下几时结婚，总之唔心急啦！」

Lokman嫂收到Lokman送的澳洲手信。

她澄清婚讯，称未有结婚打算。

两人拍拖多年，男方早视女方为结婚对象。

《星岛头条》新网站有更多精彩内容：http://www.stheadline.com/