独家丨唐诗咏自揭人生错晒：细个只关心有冇钱　孟加拉探访童婚女孩反思扭曲童年

2023-10-11 07:00

爱猫刚离世的唐诗咏早前获国际培幼会（香港）邀请，到孟加拉首都达卡及偏远的古里格拉姆县，探访一班受童婚影响的女孩及家庭。此行令她有好大得著，觉得香港人应该去当地感受下，又令她反思童年因父母离异令思想变得扭曲，价值观错晒，以为有钱就可以令家庭变回完整，一早放弃读书，所以她希望透过自身经历，向小朋友分享不要钻牛角尖。采访：杜杜摄影：谭志光

诗咏访问当日皮肤有点暗粒，她解释近年不停食中药调理身体，「积累咗好多年要慢慢排啲毒出嚟。」

诗咏好早已想参与慈善探访，但以往在TVB工作太困身，根本不可能，「有邀请过，但一路拍剧冇机会。」而今次探访主题跟她2020年制作的动画短片《唐诗咏的私密故事—最后的那一瞬间》很相似，令她更想参与，「又系讲小女孩，好想去做，再谂以后就唔会再做。」

2020年诗咏制作动画短片《唐诗咏的私密故事—最后的那一瞬间》。

被黄翠如老点狂带厕纸

今次孟加拉之行，打了3支防疫针的诗咏，有向曾到访当地的旅游达人闺密黄翠如攞贴士，「佢建议带厕纸，所以我真系带咗好多，去到发现人哋啲厕纸都好好，但我都多谢佢，哈哈！」另外，居住环境亦令她改观，「虽然住民宿，但唔系好落后，有热水冲凉已经好好，我试过拍剧冇热水冲凉，横店嗰时未发展，最惨大家一齐收工，我好后先冲就冇晒热水要等嘞，去到一开就有热水就冇问题啦！」

诗咏笑言被闺密黄翠如老点，带了太多厕纸去孟加拉。

探访时的女孩表现，更令诗咏思考很多，「我喺佢哋10几岁年纪，都唔知自己想做咩，但佢哋已经想做医生、法官、军人、警察，有个想做科学家研发癌症药物，每个嘅愿景去到好远，同埋佢哋都好大爱，想做嘅职业都系想帮人，知道知识可以改变命运，个个都好想读书。」诗咏认为她们面对逆境的积极乐观，香港人都应去感受一下，「有小朋友一定要带佢哋去睇，感受吓自己有几幸福，佢哋生活环境系差到好难改变，但佢哋仍拥有希望，内心好强大，身边啲人少少事就唔开心，不如你望吓人哋先啦！」

诗咏到孟加拉探访一班受童婚影响的女孩。

一名童婚后长大的母亲，向诗咏哭诉女儿亦遭遇同一惨痛经历。

想挑战综艺以前唔敢试

童年诗咏没有大梦想，只关心有冇钱，「小学时觉得收银日日收咁多钱，大个咗又觉得做会计几好，嗰时经历咗金融风暴，发现钱好重要。」她重视钱也跟父母分开有关，「呢个位有啲扭曲，我同妈咪出街会专登唔食嘢，佢就会畀100蚊我，要我食咗碗饭，细个唔识，我以为要钱，但其实系要佢嘅关注，但就变咗觉得搵钱好重要，觉得系咪金融风暴令到屋企咁。」因此她拍了第1个广告后，便决定放弃学业，「觉得有咗钱屋企就会好啲，所有嘢变返以前咁完整，我好快放弃咗读书。」

诗咏小时候因父母离异，跟父亲生活的她鲜有见母亲。

中学未毕业的诗咏已有拍广告机会，搵钱易令她因而放弃学业。

诗咏承认当年因没人提醒她，所以现在好想将自己亲身经历跟小朋友分享，「细个屋企有好多变化，冇家长话畀我听，好真实发生紧咩事，所有嘢都系我去谂去估计，去完呢个旅程，发觉佢哋家庭好团结，互相支持同包容，同我𠵱家想做嘅project一样，小朋友可能细个时遇到困难，我哋尽快去帮佢谂通，唔好入咗个牛角尖。」她想将这个想法放在未来的创作上，「之前做咗个动画片，想将佢变成好多唔同嘅嘢，可以出书，或者发展成舞台剧、短片，希望有更加多可能。」

离巢后的诗咏，更珍惜跟父亲和兄长的相处时间。

2017年，诗咏凭《不懂撒娇的女人》首夺视后。

离开TVB刚好1年，诗咏好享受现在有更多me time的生活模式，除了食中药调理身体，还上堂学了很多东西。而完成这次探访后，她希望未来能做更多慈善工作，她开心粉丝很知道她心意，「以前搞圣诞聚会，但𠵱家我哋会做义工、探访老人家，好开心我冇特别要求，咁啱大家会有呢个谂法，我想继续开呢度门，将我嘅睇法传播出去。」至于演艺工作，诗咏坦认以往角色大同小异，离开后出现转变，「搵我做嘅角色好唔同，好想畀多啲人睇，我自己都唔知嘅嘢。」她更想挑战拍综艺，「以前我好怕，因为冇剧本，我不嬲跟住剧本走，呢个moment都想试吓。」