彭楚盈案丨翁静晶揭死者生前曾自称遭强奸 头颅与避孕套共处垃圾桶重要证物竟遗失
2023-10-06 17:30 
前女星翁静晶早年转行成为律师，更曾因揭发大埔定慧寺帐目混乱以及住持释智定的丑闻而被网民封正义侠女。近日翁静晶开设YouTube频道「危险人物2.0」，分享早年办过的案件及所见所闻。近日翁静晶于YouTube频道再谈起1999年女模彭楚盈白骨案，受到网民关注，日前更新影片谈到案中很多证物不翼而飞，翁静晶直言感奇怪。
【相关阅读】：彭楚盈案丨翁静晶亲述撞鬼经历！死者「现身」伸冤预先通水：证人唔嚟喇
【点击睇翁静晶再谈彭楚盈案细节】：
翁静晶早年做过广播节目《危险人物》主持及推出著作《危险人物》，分享奇案收获不少忠实Fans，翁静晶最近开设YouTube频道「危险人物2.0」，称希望将过去的事再作分享当作纪录。年初贺岁电影《毒舌大状》被网民推测疑似影射1999年女模彭楚盈白骨案，现实中翁静晶正是当年彭家的代表律师，有份代表彭家提出死因庭研讯。翁静晶将案件分成三集作分享，日前上架新片，谈到死者彭楚盈被发现时身首异处，头颅更跌入床边的垃圾桶内，而翁静晶更指当时彭楚盈头颅下有一个曾被使用的避孕套：「嗰个避孕套……咁重要嘅证物都可以话……警察就话唔知去咗边，当时根据纪录，警察拎咗个避孕套去化验所，去验DNA嘅。嗰个送避孕套（去化验所）嘅警察誓神劈愿话有送去，但化验所啲人又誓神劈愿话冇收过，咁可以点？一个死都话畀咗，一个死都话冇收到，都冇办法，呢啲嘢老实讲，有一边要讲大话，公权力讲大话，政府讲大话你可以点算呀？咁个避孕套就冇DNA证据，最重要嘅嘢嚟㗎噃！」
翁静晶：彭楚盈曾报警话被强奸
翁静晶表示彭楚盈白骨案更涉其他案件，但却完全没有纪录，翁静晶表示：「彭楚盈1991年到1993年期间，有报过案话畀人强奸嘅，亦有话畀佢男朋友打呢啲嘢嘅，但呢啲口供所有嘅嘢呢我哋都冇办法搵到㗎喎！好多我哋想要嘅资料呢……1995年距离呢单案都有一段时间啦，由于我哋唔系被告人身份，被告人就可以要求拎好多嘢睇嘅，因为系被告人要证明自己清白，可以申请嘅。但呢个案件，我哋只系代表死者家属，佢就唔畀你罗。」
【点击睇更多翁静晶旧照】：
翁静晶：彭楚盈16岁识方曼生
翁静晶指发现彭楚盈遗体的单位非常凌乱，但据她了解，认识彭楚盈的人都指彭楚盈是非常整洁的人。翁静晶又分享声称跟彭楚盈只是业主与租客关系的陈方安生胞兄、律师方曼生其实认识最少十年，翁静晶指彭楚盈16岁已认识方曼生：「16岁佢已经搬咗出嚟，唔喺屋企住喇！起初同朋友喺湾仔同住，后来方曼生带咗佢去炮台山畀咗个地方佢住，间屋好靓仲可以养狗仔兼有工人添，后来又由炮台山搬去湾仔帝城大厦，嗰个单位仲系买嘅，方曼生有出钱买个单位畀彭楚盈。后来个单位卖咗，赚到钱佢都有畀返钱个男朋友……畀返方曼生嘅。91年方曼生有单官司，清水湾有间别墅，个业主话本来有160万支票畀方曼生嘅，弹咗票，方曼生认为对方欠他钱，不过别墅同时又已抵押给银行，银行指业主去咗加拿大搵唔到人，银行要收楼，方曼生走出嚟话层楼佢有权益『佢争我钱』，最后变成方曼生同银行打官司，佢将彭楚盈摆咗喺呢间屋度住，彭楚盈卖咗帝城大厦就去咗呢度（清水湾别墅）住。」
翁静晶称彭楚盈家中离奇变凌乱
翁静晶指当时彭楚盈在北角开设宠物店做老板娘，「间宠物店同方曼生一齐有营运嘅，有钱有入息嘅。后来93、94年方曼生输咗单官司，银行就攞咗层楼喇，佢叫彭楚盈搬，先去咗华德大厦（发现死者单位）。咁点解有华德大厦呢，因为方曼生间律师楼就帮呢个华德大厦原本个业主嗰两夫妇买入嘅，因为做错嘢费事畀个客告，又唔系贵，个律师帮佢买咗。咁佢买咗呢个单位畀彭楚盈搬入去住，咁多年都有工人，但去到93年佢哋感情唔好，其实当时彭楚盈妈妈都不时去探个女，93年方曼生同彭楚盈感情有问题，彭楚盈成日埋怨方曼生比较少去理佢，工人都冇请，后来系妈妈帮佢手执嘢。」不过翁静晶指很多认识彭楚盈的人都指，彭楚盈家中很整洁很美，而且很珍惜与方曼生一同购入的摆设品，但离奇的是警方到场后表示当时现场十分凌乱。
彭楚盈家中多样物件遗失
翁静晶与其徒弟于片中表示，彭楚盈生前有本日记，内里有「曼生」及疑似与方曼生相关出入数纪录的字眼，而彭楚盈家人亦曾见过，但警方寻回同一本日记时，当中的关键页数被撕走。另外，翁静晶与其徒弟称彭楚盈生前有只手表，背后刻有方曼生的字眼，该手表亦遗失，此外包括印有二人样子的瓷相亦遗失。
翁静晶用放大镜睇相被《毒舌大状》参考？
翁静晶召开记者会后成功令政府决定召开死因庭，但要求申请各样相关证物都被阻挠，翁静晶最后要求看发现死者现场环境相片，翁静晶得到逾300张3R相片，她用放大镜仔细观察，他们指这一幕更疑似被《毒舌大状》采用，翁静晶表示：「我攞咗我阿婆个放大镜嚟试试，原来床边有封信，放大啲睇吓原来系税局，再睇下其他相，原来有银行保险箱嚟攞收费，咁就睇到好多嘢。你话佢冇钱，点解税局追佢庞大税金呀？原来佢个人畀人借人头嚟炒楼。话到佢咁穷，都唔系嘅。佢屋企人都有话到拎返遗物嗰阵，入面有好大叠银行帐簿……户口簿，十几本，警察同家属讲唔使再去银行问，已经帮佢哋问晒，入面冇晒钱，银行户口清零，咁人哋再查关你咩事，点解要叫人唔好查呢？」翁静晶更指彭楚盈家属曾指被一名警员提醒不再向传媒透露太多细节，指收到消息彭楚盈生前曾欠债十万元，怕彭楚盈家属太高调而被追债。
【其他文章】：
蔡天凤碎尸案丨翁静晶93年初遇被捕潘女父亲！于太平馆与匪徒对峙 为刘家良做一举动感动「双枪王」
东张西望丨「假和尚」疑再来港化缘搵食 翁静晶列3点教分真假：个砵只装食物唔可以收钱
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应