独家丨孙美贤感激孙耀威供书教学多年 落败《中年2》阿哥阿嫂请食饭庆祝

孙耀威 (Eric)之前现身TVB为胞妹孙美贤（Miranda）出战《中年好声音2》打气，可惜Miranda选唱王菲嘅《执迷不悔》难度太高，加上压力太大，失准到连声都变埋被foul。Miranda坦认专诚由瑞士巴塞尔飞返港参赛，但咁快就玩完有啲失望，不过当晚胞兄及阿嫂陈美诗好搞笑，和她食饭、唱K，贺她唔使再留守电视城。采访：方骞平

孙美贤认为唱歌永远有人喜欢和不喜欢，太介怀结果便输了。

孙耀威突然现身录影厂为Miranda打气。

孙耀威惊喜现身。

孙美贤强调拣错歌和哥哥冇关。

Miranda选唱王菲嘅《执迷不悔》出战《中年2》。

43岁孙美贤系两子之母，为了圆梦首次参与大型歌唱比赛，因而未懂得心理调节：「今次参赛压力比预期中大，唔想因为系『孙耀威妹妹』，带畀家人负面嘅评论。另外赛前冇同大会沟通好，一心以为有啲歌可以任拣，知道时已冇晒选择，强调拣错歌跟哥哥失策冇关。」

43岁的Miranda为圆梦，首次参加大型歌唱比赛。

Miranda参加《中年2》认识咗一班志同道合嘅新朋友。

出赛后兄嫂和朋友跟她食饭、唱K庆祝。

惊喜现身超感动

Miranda赞好孙耀威：「佢系超级好嘅哥哥，由细到大都支持我做喜欢嘅事。比赛当日更专程返港，畀个surprise 我！嗰刻真系超感动，之后佢知我一定会有啲唔开心，就同阿嫂陈美诗及朋友陪足我一晚。佢哋觉得我当日唱得几好，只系初段有啲紧张，哥哥仲话『入唔到60强都好，唔使飞来飞去香港及瑞士两地，咁会对身体唔好。』」

Miranda和孙耀威及陈美诗关系好好，不时结伴去旅行。

孙耀威乜都支持孙美贤。

孙美贤喜欢阳光海滩。

孙耀威嘅铁粉同样支持埋Miranda。

Miranda更大爆由孙耀威供她去英国留学：「多年嚟学费及生活费应该唔平，我都唔敢了解佢使咗几多，因为冇能力还钱，但佢话做哥哥冇计，所以我承诺会努力读书，最后成功获一级荣誉毕业，哥哥亦专程飞到伦敦参加我嘅毕业典礼。」

海选时孙美贤成为焦点。

孙美贤想参赛追梦。

识咗好多新朋友。

孙美贤冇打算留底TVB发展。

孙美贤跟邓兆荣都系受瞩目参赛者。

赛后哥哥约埋班朋友跟她食饭赠庆。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ