独家丨林子博唔急搵第二春以仔女为先 回港见大恩人获汪阿姐送福字真迹

丧妻近3年的无綫娱乐台前主播林子博，2021年8月带同一对仔女移居英国展开新生活。早前一家3口返港度假，子博拜祭亡妻之馀亦入院接受切除口水腺瘤手术。阔别香港两年，子博仍然感受到浓浓的人情味，绝非人走茶凉，尤其与曾出手支援他度过难关嘅「大恩人」阿姐(汪明荃)及家燕姐(薛家燕)重聚，阿姐更送上祝福，及「福」字真迹，鼓励林子博一家好好生活。采访：方骞平 场地：Odans studio

林子博陪咏渝跳舞，乘机跳埋一份。

林子博努力融入囡囡世界。

「暖男老窦」为融入囡囡世界，陪学舞兼跳埋一份。

两父女好合拍。

林子博支持囡囡读艺术。

囡囡著紧子博搵第二春。

阔别香港两年，一家人终于回港度假。

跟旧同事聚会。

和在港家人相聚。

52岁林子博跟一对子女相依为命，留港期间不时陪大女咏渝上跳舞堂，「暖男老窦」企埋一边拍下练舞片段外，更跳埋一份。已经18岁的林咏渝由4岁起做童星，被指由细靓到大，子博爆囡囡系A0，有朋友却想做媒，介绍28岁精算师富二代畀囡囡认识，但阿女冇乜反应，反而为他著急，仲帮他加入交友apps搵伴。 

林子博系廿四孝爸爸，陪宝贝女进修舞蹈，又拍下练舞片段。

林咏渝有跳舞天份。

在港期间林子博大女咏渝进修舞蹈。

跳得有板有眼。

老师Odans指咏渝可以跳得放胆一啲。

两父女跟跳舞老师Odans合照。

林子博于社交平台分享「当年今日」对比照，指咏渝重遇剧集《天梯》嘅牛屎叔叔。

子女将来最重要

对囡囡嘅好意，子博形容得啖笑，直言冇嘢紧要得过子女，甚至保证唔会顾住媾女掉低屋企：「𠵱家最亲系佢哋，望住对仔女就会谂起过咗身嘅老婆，我唔会因为丧妻钻牛角尖变得消极。」乜都以子女为先的子博，甘愿放弃理想及第二春，「佢哋嘅将来比我嘅梦想更加重要，否则我唔会离港。希望栽培到佢哋大学毕业，有学士证书傍身，咁样先对得住老婆。」子博坦言子女未必理解佢嘅苦心，相信大个咗总会明白。「好彩佢哋都算生性，即使比较锺意香港嘅繁华生活，都唔会荒废英国嘅学业。」

今次返港，子博第一时间去拜祭亡妻。

在英国的林子博，珍惜接送子女返学放学。

在港期间，子博入院接受切除口水腺瘤手术。

10年前子博结婚十周年，带埋子女去台湾影家庭相。

10年后只得3父子女再赴台湾。

在港时子博仲要陪囡囡去追星，搵轩公(张敬轩)及林家谦。

天瑜爸爸好伟大

父兼母职嘅子博强调自己唔算系伟大爸爸：「只系尽返做爸爸嘅责任，好多父母比我伟大，好似因为医疗事故沦为植物人嘅7岁女童周天瑜，佢爸爸3年嚟一直为囡囡嘅事奔波劳碌，最近更患上恶性肌肉肿瘤及确诊肺癌三期，佢嘅经历比我痛苦得多，我有关注天渝爸爸状况，自己曾经做过照顾者角色，明白到唔好打扰佢，默默支持及祝福佢就够。」

林子博有关注惨变植物人嘅周天渝及天渝爸爸近况。

家燕姐赞有胆色

林子博在港1个月晚晚都跟朋友聚会，就算离开两年友情依然不变。提到当日两位阿姐曾出钱，助他应急医治患癌太太，包括汪明荃送中秋月饼，原来铁盒内藏拳头咁大卷的千元钞票，而家燕姐亦有封利是及介绍著名西医。今次子博带埋子女跟两位恩人饭聚，答谢她们的关心：「阿姐见咏渝及卓楠已长高好多，追问两人学业成绩及鼓励佢哋畀心机读书，阿姐仲趁住上书法班，用毛笔写咗个福字，盖上印章『加持』送畀我哋；而家燕姐就赞我够勇敢，居然胆粗粗带住细路去一个陌生地方生活。」子博表示一家人去英国生活另一个原因系争取亲子时间：「当地交通冇咁方便，子女要靠我车出车入，喺香港佢哋只要手持一张八达通卡，就可以成日唔见人。」

汪阿姐送上福字真迹，为林子博一家送上祝福。

子博拍低过程。

福字有阿姐盖章加持。

阿姐关心子博的子女。

饭聚期间，家燕姐了解子博一家人在英国状况。

在英国过著平淡家庭生活，子博会下厨做大厨。

回家马上剪草。

仲要去超市储粮。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ