星8卦｜「歌手」追错女同志 情定「鬼妹仔」全靠阿妈出绝招

「歌手」当日认真花心，想沟边件靓女都无难度，连佢位鬼婆阿妈都顶唔顺开声话应该要停落嚟。问题系「歌手」对每一个都系认真嘅，除咗嗰次锺意错「高音」俾人笑到面黄。

「高音」平时唔出声，亦系姊妹群中最女仔、最讨喜，但佢自细就唔锺意男仔，身边嘅助手永远就系佢嗰段时间最爱，所以定时定候就换助手，唔似得其他红人一个助手用足几十年。「歌手」又衰嘅，恃住自己红就疯狂追，唔识出去收下风对方系乜料，讲真你咁红「高音」梗系唔会得罪你，仲借啲意利用佢嘅知名度帮自己再上一层楼。

经过呢次打击之后，「歌手」更加变本加厉做情场浪子，总之高瘦留长发嘅都系佢力追嘅对象，又唔知点解畀佢识到「鬼妹仔」，两个人一挞即着，最劲系「鬼妹仔」同鬼婆阿妈好啱倾，冧到阿妈当佢系女咁亲近，于是「歌手」乐于有人照顾长辈，自己继续喺出面鬼混。

最后令「歌手」停落嚟系因为阿妈出招，逼佢同「鬼妹仔」结婚，仲出到经济封锁嚟吓「歌手」乖乖娶老婆，结果阿妈娶到新抱又凑到孙。「歌手」近年表面真系好生性，不过久唔久都会出去搵啲无知名度嘅妹妹仔开心吓，「鬼妹仔」志在泊到好码头，仲帮手做埋戏，令「歌手」满意到话一定一生一世喎！

 

【相关文章】：

星8卦｜「高大」被「空灵」抛弃急娶妻疗情伤 增肥唔准扮靓变态虐待「秀丽」

星8卦｜「学霸」背景乾净入豪门 EQ高笑对小三力保阿太位置

星8卦｜「正气」娶「温柔」打响如意算盘 遇着刁蛮阿妈迟早玩完

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ