掗拃巴士乘客惹公愤化妆霸位伸脚最乞人憎网民献计对付自私精｜Juicy叮

2023-09-21 14:02

掗拃乘客往往惹起公愤，近日便接连有屯门、北区和将军澳的市民在facebook发帖力数自私乘客的不是。综合回应网民的意见，原来除霸位、化妆、伸脚外，还有一样行为也相当惹人讨厌......

掗拃乘客自私表现逐张睇↓↓↓↓＋网民咬牙切齿回应↓↓↓↓

楼主：新都城上车往尖沙咀上层外籍男仔的行为，3位同行家长冇一人教。网上截图

网民：自私自利。网上截图

楼主：每次都呢位女士霸成3个位去化妆，脚位都霸埋。网上截图

网民：最憎人咁迫仲跷脚！掗掗拃拃正羚羊！网上截图

网民：唔系第一次发生，差唔多日日系咁。网上截图

网民：我会先讲唔该借借。网上截图

在屯门，有facebook专页的版主代街坊发帖，指巴士上一位女士怀疑「霸成3个位去化妆，脚位都霸埋......唔系第一次发生，差唔多日日系咁」；在将军澳，有市民发帖，指在「新都城上车往尖沙咀上层外籍男仔的行为，3位同行家长冇一人教」。在北区则有楼主以「呢个女人，搭亲车霸两个位，叫佢拎开个袋居然叫我去第二度座，大晒咩」为题发帖大呻。

掗拃乘客自私表现逐张睇↓↓↓↓＋网民咬牙切齿回应↓↓↓↓

楼主：呢个女人，搭亲车霸两个位。网上截图

网民：嗰个位置唔系2个位嚟 ? 如果系我照摄入去推开佢个袋。网上截图

网民：照坐埋去。网上截图

网民：坐巴士或屯马，很讨厌D人在侧边化妆因只手撞撞吓。网上截图

网民：下次走埋去放笃屁佢闻下。网上截图

巴士乘客霸位、化妆、伸脚等行为引起网民共鸣，有人直指「自私行为」、「自己顾自己，不管是私人地方还是公众地方，都要顾己及人」，并预言「终归有一日见报，喺车上边同人打架扯头发嗰类型」。

另有网民认为「坐巴士或屯马，很讨厌D人在侧边化妆因只手撞撞吓」、「化妆去化妆间嘛」、「想多D空间搭的士啦」，并争相献计，各自提供对付沙法——「个位有冇人㗎小姐？」、「我会叫醒佢」、「直接叫佢攞起个袋」、「佢唔让，直踩佢只脚入」、「最憎人咁迫仲跷脚！掗掗拃拃正羚羊！」、「我会同佢讲：唔该」、「我会大大声叫佢拎开个袋」。

网民：扮痴扮傻一嘢得落去坐

另有人指「嗰个位置唔系2个位嚟 ? 如果系我照摄入去推开佢个袋」、「遇到呢d人，原本唔想坐，我都会特登坐埋去，睇佢会晤会拎开自己d嘢」、「如果佢扮瞓觉，我就扮痴扮傻一嘢得落去坐！跟住同佢讲，阿姑唔好意思吖，嘈醒咗你㖭」、「如果系冇乜人都可以放低系位！不过正常有人上车都醒水拎起个袋啦！可以大声D问下佢！小姐你个袋系咪有需要坐呀！唔该畀返个位人坐！等佢尴尬都好！不过佢一定冇羞耻之心」。