独家丨虾头受疫情反思珍惜所有机会尽做旧爱火火鞭策跳出舒适圈试新嘢

2023-09-13 08:00

虾头（杨诗敏）受疫情反思，决定珍惜演出机会，首次在舞台剧《独脚丝打噏の难道停经才去爱》中将独脚戏结合栋笃笑演出，还有跟观众互动环节，虾头直言难度极高超紧张，幸好全程有旧爱兼知己火火陪创作兼出任导演，瞓身鞭策她跳出舒适圈。采访：杜杜摄影：Stanley 场地:Red Academy

虾头仍渴望搵到一齐成长及进步的伴侣，但结婚生仔就唔再谂。

疫情令虾头重新审视表演事业，更珍惜创作和演出机会。

创作《独脚丝打噏》的动力源于疫情，这段日子令虾头不断思考，「呢几年经历咗好多几难过嘅时刻，好多生命中好重要嘅人离开咗，或者唔再一齐喺呢个地方生活，令我更加珍惜人与人相处时刻及创作同表演，因为唔知几时会冇咗，仲有能力去讲故事，有得第1次就可以一路做落去。」

虾头多得火火不断逼迫，才会放胆去做今次演出。

虾头的舞台剧海报好似AV封面，相当搞嘢。

唔再恨结婚生仔

虾头坦言并非如外界想像般勇敢，一直很怕跳出舒适圈，幸好在演艺时拍过3年拖，现已升华为知己的火火帮手，令她可以安心创作及演出。她更称男方是生命中重要的存在，分手后两人关系反而更close，「佢同大部分EX都可以做返朋友，真系劲，但最劲都系佢太太，可以接受火火同佢啲EX做朋友，但系呢个男人好得意，就系可以令到我哋啲女人变成朋友，我同佢太太都会一齐食饭，同佢啲仔女一齐玩，佢有个EX我哋都识，有次大家仲一齐BBQ。」

虾头演绎的角色都大胆主动，私底下对爱情就好卑微。

虾头多得主持网上节目《丝打围炉》，释放了真正的杨诗敏出来。

47岁虾头直言已过了渴望组织家庭生小朋友的憧憬，现在只想找一个可以一齐成长和进步的伴侣，「呢几年更加清楚自己唔系要呢种生活，自由自在非常享受，所以随缘啦！以往我真系要啲轰轰烈烈嘅爱情，渴望爱搞到自己好卑微去迎合同迁就对方，甚至冇咗自己，𠵱家明白真正嘅爱情系要交流，自己有能力去圆满就唔需要抢，所以我超锺意𠵱家嘅状态，系超开心嘅。」