曾志伟公开手术详情！肚脐下方动脉置入支架 动刀难避：唔做就「唔使做」
2023-09-03 17:50 
电视广播有限公司总经理曾志伟上月于台湾完成动脉瘤微创手术，不过其后传出他离开TVB传闻，虽然曾志伟当时未有在记者会现真身，但就透过直播隔空澄清，惟近日大陆网疯传他入股缅北诈骗集团，正被香港执法机关调查。
【相关新闻】：曾志伟手术后返港见传媒！ 精神奕奕中气十足 预告即将复工
【点击睇曾志伟现真身】：
在台湾休养超过两星期的曾志伟今日乘飞机返港，约下午约4点，身牚黑色外套及长裤的曾志伟，精神奕奕地推着行李箱步出入境大堂，全程满面笑容，而当有主播送花给他时，更笑住话：「哇，有花呀！」，之后他走到访问区时，沿途也笑着挥手。
曾志伟肚脐下方主动脉动刀
曾志伟受访时首先讲到其健康情况，曾志伟表示：「好多谢大家关心，一路进度良好，手术好成功顺利，住了五、六日医院，然后出院便等覆诊，前日再做全身检查，医生非常满意，说情况靓仔、可以返香港。」问是否一早预计会做手术？曾志伟表示：「系，医生观察十几年，条血管涨咗，要睇住，否则会有危险。疫情三年无检查，发现要做手术，明年再覆诊。」
曾志伟指患处是肚脐下方主动脉，支架没有取出，伤口则在大髀，他又指这个本来是大手术，幸好现在有微创，没有的话就需要劏肚。问不做手术有危险？他笑说：「唔做就『唔使做』！穿咗会冇得救，冇得避，是必需要做，医生朋友都建议做。（会再休息？）休息咗。会改日常生活如早啲训，饮少啲，对人礼貌啲、唔好睇靓女、唔可以劳气。自己会听话，打波都可以，同阿伦（谭咏麟）踢波，冇乜脚法就可以，后生就未必得！」
曾志伟去台湾顺道陪家人
曾志伟指手术后身体更健康：「所有指数正常返，靓仔不得了，现在11点上床，去台湾是可以顺便陪家人放假。（准备复工？）复住先，有重要事要便准时返工，不重要咪迟半个钟，虽然话乜都唔理，但其实都要zoom，如果可以zoom解决都可以work form home（在家工作）。」问到全否转岗位，曾志伟即笑说：「转道具？转化妆？（系咪同同事派定心丸话自己有排做？）会叫佢哋孭重些、我轻些。（系咪唔辞职？）交咗几封信，但弹返转头！」他又笑着叫TVB女主播帮他向主席要求减少工时。
对于近日涉诈骗集团的新闻，问曾志伟有否感到烦扰？他说：「做这行我从来唔睇新闻，但实在太多，内地朋友都问候，更传埋新闻来冇得唔睇。」曾志伟又笑言这是电影《无间道》中的韩琛才会做，之后他认真说：「最憎呃老人家钱，仲话拉咗我？我都仲喺台湾！如果是艺人身份我都不回应，但有职位在身一定要处理，所以出声明回应。」
闹爆假新闻泛滥影响一生
曾志伟还大闹玩在假新闻泛滥：「讲真是要去面对，要同大家分享，现在太多网上假新闻，点解会误导咁多人，其实对我影响唔太大，对于后生艺人好惨，会因为假新闻冇咗工作、好惨！其实不止这行业，假新闻害到好多人，甚至搞到小朋友自杀，佢哋整几张相好容易，但就会影响人一生。所以假新闻会害好多人、大家唔好乱信，整假新闻的人都要问良心点解要咁做，三思三思！」曾志伟强调：「既然牵涉到犯罪我便要回应，因为假新闻有流量有人关注，大家见到假新闻唔好转发。（采取法律行动？）之前发声明，而家涉及诈骗同犯罪，会搵源头查根究底，一定会告。」
提到传言曾志伟是《港姐》司仪之一？他否认说：「我有睇，安排四位视帝，唔可以话灾难级，证明靓仔未必适合做司仪，不过都知佢哋太忙，我都有讲加油，今年亦有AI做司仪，想畀大家新鲜感，唔好只睇我和C君这些甩头甩骨、靓仔有靓仔的好，睇大家锺意睇乜，出年再谂过！」
【其他文章】：
TVB记者会丨许涛轰失实报道或影响股价交执法机关处理 曾志伟手术后隔空现身
曾志伟最新近照曝光！「旅游达人」项明生台北巧遇奖门人 气色红润面露招牌笑容
曾志伟被指将离任无綫 TVB发声明澄清不实传闻：保留法律追究权利
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应