星8卦｜「俊朗」悭沟「娇娇」「才子」踢爆渣男真面目佳偶天成

2023-09-01 11:00

「俊朗」真系多情，去到边都有办法沟到女，而且仲唔使钱，相信佢都系男人嘅典范。话说佢最叻沟啲入世未深嘅书院女，凭自己一直好红，所以成日食免费餐，「娇娇」足足成10年都俾佢迷得神魂颠倒。

「俊朗」无论去到边都会打电话畀「娇娇」，情话讲尽，嘘寒问暖，每次出完埠就会买啲唔值钱嘅手信，例如毛公仔，香水或者拎啲酒店纪念品。但凭佢好叻讲嘢嘅天份，每件礼物背后都系佢对「娇娇」嘅思念，「娇娇」又系嗰啲学院感性派，觉得自己系爱情小说嘅女主角。

直到遇到而家嘅老公「才子」，以前佢一直有帮「俊朗」做嘢，见尽「俊朗」沟女嘅手段，知道「娇娇」系另一名受害者，唔抵得颈，所以同「娇娇」交心，仲搵到佢收工之后同合作嘅靓女模特儿去自己嘅私窦Happy。

「娇娇」初时仲唔醒，之后再有另一啲女人有意无意话同「俊朗」有路，目的系晒命。「娇娇」因为同「才子」多咗接触，仲有感激之心，「才子」顺势力追，唔使太耐就攻陷咗芳心，好快仲生咗一男一女，鬼咁幸福。「才子」身边好友成日笑佢都唔知系咪一早睇中「娇娇」，踢爆「俊朗」假面目至可以顺利娶得美人归。

【相关文章】：

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ

關鍵字