羔羊游戏丨熊黛林被扯爆衫「强暴」震撼眼球 穿小背心狂奔逃命
2023-08-21 15:00 
熊黛林（Lynn）与郭可盈胞弟郭可颂婚后诞下一对孖女，虽然一家四口生活得幸福美满，不过熊黛林在老公支持下，继续在娱乐圈工作。最近熊黛林参与内地网络电影《羔羊游戏》，今次她与郑浩南、陈保元及彭怀安（Eddie）等人合作，其中一幕被彭怀安施暴的戏，观感相当震撼，熊黛林今日接受《星岛头条》的访问，今次是老公的支持下，在演戏路上尝试一个突破！
【相关阅读】：熊黛林自爆被「最亲的人出卖」引揣测 郭可颂隔空慰妻：一家人整整齐齐
【点搬睇熊黛林《羔羊游戏》突破演出 】：
在戏中，熊黛林在结婚当日老公死于匪徒枪下，有一晚台风之夜意外滞留楼内，目击同一帮匪徒在大厦内杀人，不慎暴露了自己的踪迹，她一边抵抗匪徒的无情追杀，同时亦设法为夫报仇，其中一幕熊黛林被彭怀安施暴的戏码，感觉相当震撼，熊黛林今日接受《星岛头条》的访问，坦言是从影以来最突破的一步：「今次动作戏份算系我嘅第一个突破，而人物性格方面对我都系好突破，以前做嘅都女神、贤良淑德嘅角色，好少见到我会畀人追住嚟打，一开始我戏入面我亲眼见到老公被杀，令到我有创伤后遗症，正常嘅女仔再见返一啲打闹场面都会好惊，所以我起初系表现得好软弱，之后要演出好强悍要帮老公报仇，个反差系好大，对我嚟讲系好成功，系我自己嘅一大突破！」
整爆咗个头唔识畀反应
为了应付戏中的动作戏，她事前亦努力学习：「喺戏入面我系射箭高手，我要去学习几堂，记得喺上第一堂之后，自己手臂唔系太有力，练完之后几日都举唔起只手。而有一场追逐戏自己就受咗伤，因为对环境唔熟识，身手又唔够敏捷，被追后藏身喺机房嘅一场戏入面，唔小心整爆咗头，流晒血，当时我好耐都唔识反应，好彩剧组人员即刻带我去医院，缝咗两针。」
老公开绿灯鼓励去拍
不过熊黛林坦言因为这个原因而接拍这部电影：「其实我一睇到呢个剧本已经好锺意，因为我同我老公成日都会喺屋企睇得最系犯罪、惊栗嘅电影，我睇嘅时候都会想像如果自己喺戏入面会系点？一定好刺激、好过瘾！当时收到剧本我老公都鼓励我去拍，佢仲话拍完可以一齐睇，可以话系一拍即合。而接拍时正正系疫情高峰，当时有工作自己都好感恩。」至于性感演出又有否需要问准老公？她笑说：「今次我觉得唔算特别性感，之前成日做运动时都会着sport bra，只要健康就冇问题，我老公都OK呀！少少性感OK呀，我哋都唔会好介意。」
【其他阅读】：
熊黛林细女凸嘴疑是「腺样体面容」 见网民忧心讨论以12字回应
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应