思家大战丨罗家英闻老婆未能陪赴贵州「食翅庆祝」 汪明荃禁再提内裤颜色
2023-08-05 21:35 
汪明荃（阿姐）今日与老公罗家英参与节目《思家大战》录影。两人指很耐未玩过游戏节目，阿姐就指自己做主持多，现在就「懵查查」不知如何玩，问两人事前是否有准备？家英哥说：「听讲唔使做定功课，做咗反而会谂得太复杂。（有冇信心赢？）信心大把，不过对面仲厉害。」阿姐指曾经在游戏中赢过车，现时家英哥正在使用，家英哥亦表示也曾在《奖门人》中赢过车，并指过往玩游戏时赢过很多奖品。
【相关阅读】：75岁汪明荃被老公爆底裤颜色发火闹人 罗家英振夫纲：收下声啦
【点击睇罗家英汪明荃录影《思家大战》】：
稍后家英哥将会和明星足球队一起到贵州踢波，不过阿姐就因为要拍广告而不会同行，而家英哥听后即开心表示要食鱼翅庆祝，不过阿姐就即时著他不要鼓吹食鱼翅，家英哥搞笑地话：「有个老婆咁识赚钱真系好，我哋呢啲食软饭嘅。（食得开心？）开心！我啲牙又唔系咁好，啲饮软软哋几好。」提到家英哥于电台节目大爆阿姐私隐，指她穿粉红色内裤，问家英哥回家后有没有跪玻璃？他説：「冇，佢听唔到我讲嘢。（全部粉红色？）总之冇红色，我就有，平时都会著。（送套红色畀阿姐？）唔使你话我听，如果听你讲去做就受你影响。」至于阿姐在旁则显得非常尴尬，著他不要再讲这个话题。至于家英哥就自爆平日通常会送手袋给阿姐，更豪气表示只要是贵的就会买，而家英哥指虽然比全世界指食软饭，但买手袋的钱是自己出：「佢嘅钱系佢嘅，我嘅钱系我嘅，我冇攞佢啲钱使，佢又唔会畀钱我使，我亦都唔会畀钱佢使。」
古佩玲放话想有人追
同场的古佩玲（Kelly）表示在新剧《宠爱Pet Pet》中将会对周嘉洛一见锺情，之后更会介入他与林夏薇的感情，问Kelly现实中是否试过女追男？她表示未，通常也是两情相悦，又笑指因自己性格内敛，故今次的角色需要很多能量：「剧中系任性大小姐，唔理嘉洛锺唔锺意我，我都表达我嘅爱意，好崇拜佢，佢好幽默，觉得佢好Charm。（现实呢？）Charm！（系咪你杯茶？）未知住，要睇feel，冇话一定要有咩条件，最紧要睇夹唔夹同对我好唔好。」Kelly指现实中的初恋就是一见锺情，不过到最后也是分手收场：「第一任男友……在我去选港姐嗰阵，嗰阵时Long distance咗好耐。」她又谓现时没人追：「我都想有人追，追我，我会尽力跑，你追我跑先有feel，（追追下冇气！）我送氧气。（怕唔怕俾人话得吊高嚟卖？）唔会，锺意我嘅人就一定会锺意我。」
【其他文章】：
盘点圈中10对经典情侣档丨郑少秋汪明荃横跨30年情 陶大宇郭可盈拍足六部
汪明荃罗家英Gucci情侣装又出动！曾豪花22万买高订做战衣 呢个牌子都系阿姐至爱
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应