专栏｜进攻瓣数多瑞典可捧

女子世界杯已经嚟到16强阶段，艾尔嘅争冠心水德国未能晋级，系球队参加9届世界杯决赛周以嚟，首次喺分组赛出局，表现相当失望。虽然「轰炸机」波普姐尝试力挽狂澜，可惜莉亚舒娜、白兰特等球员完全唔入局，战术上亦唔系太多传中球，不禁令艾尔多次大嗌：「各位丝打，斩入去喇！」

伤心过后，都要向前望嘅。今届16强比较瞩目嘅戏码，一定系瑞典对美国。瑞典过去喺世界杯同欧洲赛都表现稳定，特别留意球队副队长阿丝兰妮，呢位现时效力AC米兰嘅34岁攻击中场，派牌能力唔错，系球队不可或缺嘅核心。效力巴塞隆拿嘅左翼萝尔法除咗样靓之外，右脚嘅射门几强，喺边路策动唔少攻势。当然唔少得「带刀待卫」伊莉丝迪，今届3场赛事因为接应角球而入咗3球，头锤争顶相当杀食。

至于4届冠军美国队，今届状态认真麻麻。刚战唔系葡萄牙嘅攻门中柱，美国已经要提早执定包袱。事实上，瑞典上届奥运曾经以3比0赢美国，对赛往绩亦唔输蚀，今次推介让球受让平半嘅下盘。艾尔

-----

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ