西环变种「呃食党」唔要钱改要ＸＸ 苦主蒙查查破财：我系咪俾人呃咗啊？｜Juicy叮
2023-08-01 07:01 
有市民怀疑遇上「呃食党」，日前不虞有诈，给声称无钱买食物的一行3名男女，在便利店买下数支饮品、3个饭团和1件蛋糕。花掉107大元的事主事后在facebook以「我系咪俾人呃咗啊？」为题发文警世，并补充「佢哋仲想买几包朱古力，我话太贵啦，我唔肯请」。网民几乎肯定「被骗了」，并安慰「就当做善事，福有油鸡啦」。
有留言的网民及后讲出事件原来有续集（详情见下文），发现3名骗徒始终想食朱古力，得手后折返便利店退换饭团，换走一盒朱古力和两条「缤纷乐」朱古力。
楼主自述怀疑被「呃食党」行骗经过 ＋ 网民机警回应↓↓↓↓
楼主7月29日晚上以「我系咪俾人呃咗啊？」为题上载两相，讲述怀疑被骗经过（见下图）↓↓↓↓
楼主：「话说今晚（29日）Around（大约）7:20pm，系坚尼地城卑路乍街7-Eleven门口遇到三个衣著光鲜讲普通话嘅人（一个高大男人，一个肥肥地女人， +1个瘦嘅女人），佢哋声称支付宝被限额，攞唔到钱出嚟，问可唔可以喺附近食啲嘢，然后听日支付宝还钱俾我，我都唔系好信佢哋，然后佢哋扮惨啦，然后我话喺七仔请你哋饮嘢同埋食个三文治啦，咁就洗咗$100，希望佢哋唔系讲大话啦，但谂下谂下又好似系呃人，算啦，只系$100」。
楼主并呼吁「如果近来大家再遇到，千祈不要理会，可以建议佢哋报警......」；接著在附上的收银柜相片下留言——「就系呃咗我呢几支饮品，三个饭团，一件蛋糕，佢哋仲想买几包朱古力，我话太贵啦，我唔肯请，呢度盛惠$107」。
网民讲述「呃食党」事件续集，楼主惊讶 ＋ 网民精明回应
有留言的网民事后竟在回应栏内，透露事件原来有楼主也不为所知的续集——「（便利店）收银妹妹话佢哋（怀疑骗徒）后尾攞3个饭团返去退，换咗盒朱古力同两条缤纷乐」。楼主如梦初醒地指「你真系认真吗？其实七仔妹妹应该提点我吧」。网民回覆指，收银妹妹以为各人相识，事后也自责了一番。
网民讲述「呃食党」事件续集↓↓↓↓
网民旁观者清：今次付「智商税」
回应的网民旁观者清，有人甚至放上水鱼图讥讽，指楼主今次付了「智商税」、「经一事，蔡一智」，并批评骗徒贪心「唔贵唔买」，「想再加买朱古力呢下，已经知系搵笨，楼主你唯有当破财挡灾啦！」。
网民提醒提防骗徒请浏览下图↓↓↓↓
网民：好心唔可以随便用
于是有网民提醒「好心唔可以随便用」、「骗徒嘅手法层出不穷」，强调「原意都系出于好心啫！只系呢个世界太多人利用别人嘅好心！」、「用人哋同情心欺骗人呢啲人等天收，107元系少事搅到自己唔开心先惨」，表明「我一定唔会请，俾三个号码佢，一定帮到佢，999」，安慰「你就当做善事，福有油鸡啦」。
其他网民回应请浏览上图↑↑↑↑和下图↓↓↓↓
楼主推介「呃食党」食便利店饭团
网民的留言获楼主进一步透露——「讲样好笑嘅，我话7-11啲饭团OK你攞个嚟食啦，佢哋话呢啲我哋唔锺意食，我哋锺意食『米饭』，然后我就同佢讲呢啲饭团香港好受欢迎ga，好好食嘅......佢就无奈接受」。
网民精明回应 ＋ 楼主补充留言请浏览下图↓↓↓↓
网民：这样的骗子手法20年前就有
有网民似乎作总结发言，直言楼主已被骗「作为一个从小内地长大的人，我认真的告诉你，你被骗了。这样的骗子手法，20年前就有了。我明白香港以前环境好，大家戒备心不高，现在不同了……下次直接送警署。100元宁愿捐给小动物」。
网民精明眼：「呃食党」骗徒由西环呃到铜锣湾↓↓↓↓
有神通广大的网声称「我头先系士美菲路都遇到呀」、「我老公系石塘咀已经被人问过好多次啦，我好期待俾我遇到佢地」；另精明眼网民拍下背影指「一行人由西环呃到嚟铜锣湾」，相片获楼主确认「就系佢哋啦！大家认住佢哋，你真眼利！」。
该网民讲述自己的经历——「同一手法，当时都唔认得，唔知佢讲咩，以为佢问我边度有嘢食，我见到佢攞个电话出嚟话WeChat唔知乜鬼，见到佢个WeChat叫『舍得』，再望下佢对鞋，第一反应就知佢哋系想呃我，当时我冲动唔应该话报警，应该跟住佢哋等佢哋想呃下一个人先报」。
事件令不少网民自爆曾遇上「呃食党」（又叫「请食饭党」）的类似经历↓↓↓↓
•经历一：
我刚才都遇到，个男人话从澳门来（但讲国语），仲问我呢度喺边度，话支付宝被限制，要我买个餐，四个人一齐食。我一听到支付宝，就话唔识用，有急事走咗，佢仲指明想食中菜！坚尼地城，西餐就多，都唔知掟；
•经历二：
我在旺角遇到过，一男一女讲国语也是要钱买嘢食，当时已经晚上12点几啦，我扮听唔明普通话，问佢讲咩呀？有困难呀叫佢搵警察，话俾佢知直行前面就是差馆，他们好冇趣咁走咗；
•经历三：
果日有个普通话男人问我，我广东话话带佢去差馆，佢即刻走人。我嘅逻辑系如果佢系真游客被遗弃，政府一定比衣食父母食九大簋，否则佢系讹骗拉到入监牢都有饭食，佢点都有饭食。下次搵差人啦，反正你有纳税；
•经历四：
话时话前排先试过，买咗一排可乐放在乘客位，自己坐司机位等人，有两个中年女人走埋嚟示意我开窗，然后话无钱食饭叫我俾啲钱佢哋。我知佢哋都系骗徒，所以话无钱，然后佢哋见到啲汽水，就话有汽水饮都好。我费事同佢哋纠缠，就俾咗两罐佢哋打发佢哋走。结论系：佢哋乜都唔会放过。
回应的网友提醒，两罐汽水都唔好俾，唔好助长呢啲歪风，香港已经各区都有这种情形出现。
帖文来源：西环变幻时
骗案相关新闻：
妙龄女问人攞饭钱（下集） 行匀全港 读者爆料：出动ＸＸＸ作道具
妙龄女屯门通街问攞$20饭钱 网民计出日赚高达$????（上集）
变声骗案｜「技安」嗲声嗲气专呃感情：晚安爱你哟 网民打冷震
骗徒狂发短讯钓水鱼？ 网民4招退敌 爆笑回应自认：我系你诈骗对象
柴湾「春丽」死跟攞钱 街坊：一阵已收咗几旧水 网民爆最新行踪......
「MIRROR」击退「名画党」疯传 港男奇招KO骗徒 网民：好癫！
名画党｜网民人肉追踪 总有一张喺附近 十年前肆虐全港曾入侵澳门台湾
「名画党」出没踩中要赔钱？ 醒目网民教应对妙法免受骗【附「名画」介绍】
「迷晕党」新招诱苦主埋身 大举入侵元朗大埔？事主：过一条马路遇到3个
「催眠党」疑入侵青衣 港爸自动㩒钱奉献 痛失$XXXX（附骗徒5大特徵）
西环变种「呃食党」唔要钱改要ＸＸ 苦主蒙查查破财：我系咪俾人呃咗啊？
油麻地惊现离奇「派钱党」 逐张20蚊派 网民揭一重点极可疑
疑似骗徒多国语言攀谈 网民睇起：进步咗好有诚意
骗徒手法层出不穷，现在还要熟用多国语言。有网民近日上载怀疑遇上电骗案的手机whatsapp截图，见到疑似骗徒以英文、中文和日文留言，真是世界难捞。
港男出po寻物遇「呃茶钱党」 港男分享智破骗徒经验
—————
《星岛头条》APP经已推出最新版本，请立即更新，浏览更精彩内容：https://bit.ly/3yLrg
最新回应