山顶广场BB瞓地无人理 外佣玩成个钟手机 途人劲嬲力数六宗罪｜Juicy叮
2023-07-29 07:01 
不平则鸣。有途人在山顶广场见到一名外佣怀疑不恰当对待少主人，气愤之馀不忘拍下「罪证」力数六宗罪，并将短片和相片上载至「香港雇主讨论区(外佣/钟点/陪月/本地ee) 」引起网民关注。
楼主于本月24日下午4时32分上载短片，指明时间和地点：「山顶广场时间4:15pm」。帖文共有两段分别长27秒和16秒的短片，片中见到BB一时自己坐于玻璃门门口地下，一时如游泳般瞓在人来人往的通道上，而外佣则在旁玩手机。
外佣山顶广场玩手机BB瞓地无人理逐格睇 ＋ 楼主和网民劲嬲回应↓↓↓↓
楼主指出6大错处↓↓↓↓
楼主指「坐喺餐厅食嘢真系睇唔过眼，希望个BB个爸爸妈咪见到」，连随数出外佣在事件中的六宗罪——
外佣六宗罪包括：
1. 由BB自己坐喺玻璃门门口地下，一有人开门即刻会夹到
2. BB坐喺地下之后食自己对鞋，先后4次佢冇阻止，只系喺袋拎粒饼出嚟畀BB（我以为佢拎清洁纸巾）
3. BB系食完鞋冇洗手之下食饼
4. 粒饼跌咗落地下佢喺地下执返畀BB继续食
5. 全程个姐姐只系玩电话完全冇理BB
6. 之后返去望个BB瞓咗系地下佢冇理，之后单手拖佢起身，再瞓地又冇理
但楼主不好意思地称，「只怪我可以做到呢度，我唔敢行埋去闹佢，如果你哋识BB嘅父母请话俾佢听情况」。
楼主续指「其实佢知我一直影佢，所以佢之后拖咗BB出另外一边，我返去睇咗几次，情况都维持咗一个钟。其实只系个人认为咁样对BB唔系咁好，因为BB食鞋底多次同埋坐正玻璃门口，同埋佢只玩电话冇望BB，BB可能随时会比人抱走，但系唔知佢父母会唔会认为可以接受，所以我都系反映个情况」。
楼主在回应栏续指：
•希望佢父母见到啦，BB好阴功
•希望可以畀佢父母知道，因为佢BB真系好危险，撇除咗佢污糟食咗落肚之外，其实个外佣唔睇实个BB先系最大问题，个BB其实好乖，完全冇扭计，BB一想嗰个外佣抱，佢就即刻畀块饼佢，但系佢个focus完全系部手提电话，望都无望BB
•其实佢知我一直影佢，所以佢之后拖咗BB出另外一边，我返去睇咗几次，情况都维持咗一个钟
•其实只系个人认为咁样对BB唔系咁好，因为BB食鞋底多次同埋坐正玻璃门口，同埋佢只玩电话冇望BB，BB可能随时会比人抱走，但系唔知佢父母会唔会认为可以接受，所以我都系反映个情况
网民嬲嬲回应↓↓↓↓
•俾我见到一定会出声，太离谱
•要出声讲，下次见到问有冇嘢帮忙，会唔会帮到件事
•多谢你（楼主），如果我系BB妈妈，我都希望有人拍低畀我睇
•你（楼主）拍下情况已好好，有机会训练下自己胆量就更好！
•真也要出声话佢，佢哋班人欺善怕恶，专虾老人，小孩。
•哗，好离谱吖，呢条外佣即刻扫把佢啦，小朋友咁细个，X佢个肺！
网民长文回应↓↓↓↓
•认同你（楼主）拍低，讲真，呢个工人姐姐衰到咁，你话得佢一次，话唔到佢第二次。你拍低咗，比开口话佢紧要。你已经比好多又冇出声，又冇拍低嘅人好
•我都认同，呢一刻话咗姐姐，转头你（楼主）走咗，个姐姐一样会继续咁对个BB，帮唔到几多，肯拍低片已经真系做得好好，希望BB屋企或者朋友会见到呢段片，知道就即刻炒咗呢个姐姐佢，留姐姐系度，BB迟早出事
•见到佢一刻都无放低个电话，单手拉起个BB真系……个阿婆经过都望咗佢几眼。工人当BB同只小狗一样咁凑，见者伤心，希望佢父母会见到条片，炒咗个工人佢
•双识父母死做烂做都是希望搵多D钱俾子女更好的生活环境，如果BB父母知到自己小朋友被人咁对待，真是会好心痛，呢旧xx , 对眼唔可以离开部电话超过3秒，真是送佢返乡下慢慢玩啦！ 唔好系度害人！
节录网民精警回应↓↓↓↓
其他网民回应请浏览上文图片↑↑↑↑。
外佣相关新闻：
获外佣赠价值不菲颈链 港妈闻一句话即令感动变质
外佣生日送手机做礼物 港妈：感激遇到好姐姐
—————
《星岛头条》APP经已推出最新版本，请立即更新，浏览更精彩内容：https://bit.ly/3yLrg
最新回应