初选案│何桂蓝承认对政府有非常多不满 但冇怨恨

「35+」初选案续审，被告何桂蓝今午于西九龙法院引用终审法院非常任法官包致金2018年就不民主地方是否可能存在法治所提出的4个标准包括司法独立等，直言「呢4点香港一啲都唔合格」，故认为「法治无存」属准确描述。何桂蓝又指「香港政府唔值得任何人嘥精神去怨恨，连花时间去怨恨佢嘅价值都冇」，亦「唔可以假设怨恨情绪背后冇理性基础，或者一定需要人煽动而冇佢自己理性嘅判断」。

大律师Trevor Beel援引控方开案陈词，当中罗列了何桂蓝2020年6月18日于facebook发布的选举宣言，内文指「香港制度崩坏、法治无存」等，指控何桂蓝加强他人怨恨港府。何桂蓝直接回应「我对香港政府有非常多不满，不过冇怨恨，因为，香港政府唔值得任何人嘥精神去怨恨，连花时间去怨恨佢嘅价值都冇」。何桂蓝反驳「我对自己公开发言要求系好严谨嘅，我只会讲有理有据说服到自己嘅嘢，嗰啲（制度崩坏、法治无存）系一啲事实同有理据嘅批评」，并指「我同意全香港有好多人怨恨政府，唔需要任何人去foster（加强）㗎喇，亦都唔可以假设怨恨情绪背后冇理性基础，或者一定需要人煽动而冇佢自己理性嘅判断」。

何桂蓝指出法治存在与否有客观基准，引用终审法院非常任法官包致金2018年就不民主地方是否可能存在法治所提出的4个标准，「第一，你要有司法独立，同埋有一份宪法唔系朝令夕改嘅；第二，权力之间要分立；第三，人权要有符合国际标准嘅保障；第四，唔可以因为声称有法治而暂停民主化嘅步伐。好明显，呢4点香港一啲都唔合格，所以我认为『法治无存』系一个准确嘅描述」。

何桂蓝忆述5月21日至22日之间深夜，看到全国人大会常委会副委员长王晨突然公布同月28日人大将讨论是否通过决定由人大常委会为香港订立《香港国安法》，期间提到特别针对瘫痪立法会行为，与4月两办声明字眼相近，迎合部分符合议事规则的事情，故何桂蓝理解为郭荣铿及民主派开会期间抗议行为也有机会触犯《香港国安法》。

到6月30日《香港国安法》面世后，何桂蓝才知道四大罪行详细条款等，惟条文用字不再采用「瘫痪立法会」，改为较轻微的「严重干扰、阻挠、破坏」，一般人均可理解为假设立法会主席作出有问题的决定而终止辩论时，如有人不同意主席决定，要求继续辩论，行为亦属干预，尤其是《香港国安法》条文没有提及需否使用武力，「同埋其实呢四大罪行，喺中国大陆刑法入面嘅⋯⋯至少据我理解⋯⋯大陆啲法律字眼都系可以乱咁诠释」。何桂蓝指4月时有如此忧虑，但去到6月「一啲我认为系履行紧议员责任、尽责审议嘅行为，都会被纳入严重干预⋯⋯throughout（纵贯）成个控罪时间，我都冇谂过㩒个反对掣都系干预，因为对我嚟讲，投反对票连议会抗争都唔算。」

何桂蓝回想5月底得悉将要实施《香港国安法》后，当时自己马上有2个反应，「第1个就系要走就而家好走喇，如果唔系可能一世都走唔到。第2就系，佢哋终于搵到一个可以DQ晒全世界嘅理据。」何桂蓝解释，上述理据指当时已宣布人大常委会直接透过纳入《基本法》附件三的方法直接实施《香港国安法》，引述有人指「啖好容易就话你一表态反对国安法，就系你反对基本法」，惟自己并不同意有关说法。

何桂蓝表明「第1个决定就系唔走啦」，续指「第2个决定就系关于我会唔会公开表态反对国安法呢个问题」。何桂蓝解释，根据过去记者工作对内地「国安犯」的理解，虽然内地2015年才订立《国安法》，但《香港国安法》内的四大罪行则于大陆刑法中存在已久，「香港人都知道嘅一啲案例，刘晓波呀、许志永呀呢啲等等，简单嚟讲就系以言入罪，喺中国大陆你印一张平反六四嘅纸出嚟贴喺个巴士度你都舐嘢㗎喇。当时我完全冇办法设想将一条啖嘅法例摆落一个普通法嘅法制入面会发生咩事，我只能根据大陆实行嘅情况去做判断，就系我at that point in time（当时）我已经讲咗好多会舐嘢嘅嘢喇，所以避都冇用。」法官陈仲衡指当时何桂蓝不应回望过去，而是应该审视未来，何桂蓝反驳「呢个系普通法logic嘅谂法」，但当时《香港国安法》以纳入《基本法》附件三的方式实施，没有人知道其会否追溯过去事件。

何桂蓝续指：「作为一个怕死嘅香港人，我唔会再讲一啲我以前未讲过、更加激进嘅嘢喇，但系以前已经讲开嘅嘢都已经讲咗，亦都冇办法确保佢唔系retrospective（追溯）嘅话呢，啖就继续讲啦。」何桂蓝解释，因为任职记者时不能发表任何强烈个人政见，到自己作为候选人在《香港国安法》生效前拥有强大优势，「我基本上系白纸一张好难DQ嘅，但系如果我公开讲我反对国安法，我当时判断就系一定会DQ。」「但系我认为⋯⋯」何桂蓝突然停下沉默一会，再道：「即使我唔系完全了解国安法入面所有条文，但系我见到嗰四大罪名同埋公布嘅时候，中国官员嘅一啲字眼，我会认为作为一个追求民主嘅人，唔反对一个啖样嘅法例系自相矛盾」，最后于5月22日当晚于facebook表态反对《香港国安法》。

法庭记者：陈子豪

---

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ