不满救生员嗌咪禁吸烟 浅水湾躁泳客了望台前闹足1分钟 网民嘲小学鸡｜Juicy叮
2023-07-14 07:01 
浅水湾泳滩的咪高锋日前喊出一句「请勿在沙滩吸烟」，辣㷫一名烟民泳客，含著一枝无点燃的香烟走到救生员了望台下，对著救生员指天笃地唱独脚戏式大闹一番，一时称乎对方为「师傅」，一时又叫「老友记」，最后还连珠炮发抛出金句——「做咩呀？笠水呀？惊呀？淆底呀？」。（躁泳客含烟闹人对答节录详见下文）
从网上流传的短片见到，躁泳客一轮嘴闹上约1分钟，起初含著烟指骂，但刚说完一句话，香烟便告掉到地上，他一声「哎呀！ｘ，跌ｘ咗添」便弯身拾回沙上的烟再含著，不过未几即发现含著烟难以破口大骂，于是改用手拿烟以释放嘴巴。
躁泳客含烟闹人逐格睇 ＋ 网民嘲讽式回应↓↓↓↓
楼主在上载1分40秒长的短片与相片的同时，还讲述当时情况——「条『勇士』系沙滩想食烟 （准备点），救生员叫咪：请勿在沙滩吸烟，勇士就开始上火，表演斋含唔点烟，keep住含住支无点嘅烟，含含下突然『标童』（编按：『标童』意思是请神灵上身，具刀枪不入超能力。），含住支无点嘅烟走去大大声ｘ个『一定系多事』嘅救生员⋯⋯然后又『局住扮冷静中带点傲气又好似想好型其实ｘ咗』咁行返开。快啲点烟啦，等你呀！#饮住啤酒睇戏」。
躁泳客含烟闹人对答节录：
躁泳客：喂，你话班伙计喺边呀？
躁泳客：（含著的烟跌了落地）哎呀！ｘ，跌ｘ咗添
躁泳客：喂，你话班伙计招呼我。（弯身拾回沙上的烟再含著）
躁泳客：系呀，嚟嚟嚟嚟嚟，伙计喺边？（之后又嫌阻碍发言，改为以手拿烟）
躁泳客：即法例上面呢，我唔点知啲咩系冇问题嘅，你叫班伙计过嚟睇住我。
躁泳客：过嚟吖！几多个？5个、10个、定3个？
躁泳客：喂，唔系呀师傅
躁泳客：喂，我真系，我真系有存疑
躁泳客：喂，老友记，咁大声讲呀，嗌咪嘞
对方：系啦，去啦，去啦，去啦，OK喇
躁泳客：我唔系呀，我同佢讲呀
对方：我知，我知，OK喇
躁泳客：喂，老友，你呀
躁泳客：大声公吖嘛，咁臭寸吖嘛
躁泳客：我唔讲粗口，我等你讲，等伙记嚟招呼我，一个仲有冇？
躁泳客：做咩呀？笠水呀？惊呀？淆底呀？
躁泳客：我话你啦......
躁泳客一轮嘴狂骂上1分钟后鸟倦知还，回到女伴身旁。透过短片直击事件的网民回应时估计「可能太热，所以躁少少」，另有人批评「咁鬼小学鸡行为」，并指「小学鸡，条女喺隔离威力升一百倍」；另有人留意到跌烟一幕，指「跌咗支烟系到搵个下最正」。
有网民则在回应栏转述事件，疑似补充当时情况：「实情系呢条契弟点咗第一支烟，之后畀我哋同事见到叫佢唔好食，佢好有型咁掉咗落沙滩，跟住我同事叫佢执番，之后佢死死地气走埋去执返支烟，然后返埋位坐低，见佢即刻想再点第2支烟，我同事就即刻爆咪话佢叫佢唔好食，跟住就有咁嘅故事嘞！」，有网友也指「佢肯定唔系第一支，所以先有人叫咪出声」。其他网民回应请浏览上图↑↑↑↑。
哪些地方属禁烟区？
根据《吸烟（公众衞生）条例》，由康乐及文化事务署管理的公众泳池、泳滩范围已列为法定禁止吸烟区，任何人士不可以在禁烟区内吸烟或携带燃点著的香烟、雪茄或烟斗，否则可被定额罚款$1500。
控烟资讯站网页表列哪些地方是禁烟区：
泳滩相关新闻：
消失的泳裤？大叔泳客疑露出八月十五网民面红红：香港咁开放？
有网民早前以「今天跑步又路过呢度，但是我觉得奇怪，果啲人无著泳裤......行嚟行去......」为题，在facebook专页「西贡将军澳讨论区」上载两张怀疑见到大叔泳客八月十五的照片，看得网民「Ｏ」起嘴来。
泳客疑似无著泳裤逐格睇 ＋ 网民「Ｏ」嘴回应↓↓↓↓
网传旅行团公厕外食杯面 网民笑言：浅水湾深度游体验风味餐
—————
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应