独家丨黄剑文玩过《造星3》被插反骨大反击 《中年2》变歌手翻生平台54岁郑梓浩唔怕Out

TVB节目《中年好声音》叫好叫座，夺冠的周吉佩亦咸鱼翻生，开音乐教室及全职做歌手。节目变成陈年过气歌手翻生平台，所以《中年2》吸引大量行内人参加，包括39岁，2020年《全民造星III》第9名的黄剑文(Kimman)及54岁前新艺宝歌手郑梓浩(Brian)。Kimman坦言13年前曾因母亲离世差啲睇唔开：「既然执返条命，点解唔做返啲轰烈嘅嘢，令人生更加精彩？」至于Brian就好有抱负，重返香港乐坛都系靠呢铺。采访：方骞平 场地：The Stadium(黄剑文)、Iza居酒屋(郑梓浩)

Kimman参加《中年2》想畀多个机会让人认识自己。

54岁前新艺宝歌手Brian，多年嚟冇放弃过唱歌。

黄剑文好热爱唱歌。

郑梓浩Keep得好fit。

并非「乐坛白纸」的黄剑文及郑梓浩，今次参与《中年2》海选，分别获老友周慧敏及黎瑞恩支持。Kimman笑说：「我见『歌神』张学友都系咪不离手，就知佢有几锺意唱歌，喺佢身上得到鼓励，锺意做嘅嘢唔好放弃。」他承认《造星III》成绩唔理想，今次参赛想畀机会自己做好啲，等更多观众认识自己。

Kimman(左1)，歌手林若盈(左2)、前港姐戚黛黛、吕良伟弟弟吕良国、演员颜仟汶参加《中年2》海选。

2020年，Kimman曾参加ViuTV的《全民造星III》，获得第9名。

他承认《造星III》成绩唔理想，今次参赛想畀机会自己做好啲，等更多观众认识自己。

Kimman参加《中年2》获教友周慧敏支持。

郑梓浩都有老友黎瑞恩力撑。

2007年出道的周吉佩凭《中年好声音》咸鱼翻生。

Kimman被闹咪再发明星梦

39岁的黄剑文屡败屡战唔怕被网民批评，他有感而发：「网上有千几个留言，大部份系支持我，亦有抨击我参加《中年2》好反骨、又叫我『算把啦，咪发明星梦』、『唔知佢系乜水』，其实我参加过多个比赛，包括TVB第一届《超级巨星》，因为唔听话庆功时饮到声沙，最后30强止步。其实呢个世界大把人讲嘢，好多不负责任，咁听得边个呢？定应该聆听自己个心想点？」

黄剑文喺《中年2》出现，被网民指他反骨，帮ViuTV倒米。

Kimman解释唔会错过每个演出平台。

Kimman强调唔系发明星梦，只系锺意做音乐，相信音乐的力量，亦跟他的经历有关。单亲家庭成长的他，26岁时经历母亲自杀的沉重打击，于妈妈离世后5天，一度悲痛欲绝行出露台寻死，幸而脑海闪出需要他照顾的公公及婆婆，即打消念头更从黑暗中振作，令他更相信音乐力量：「busking咗4年，试过有人喊住上前多谢及拥抱我，话我啲歌感动到佢，甚至打消咗伤害自己的念头，哪怕只系感动到一个人，影响到一个人生命，我觉得已经足够。既然当年执返条命，好多嘢都赚咗，点解唔做返啲轰烈嘢，放手搏一铺令人生精彩啲？」
 

疫情前Kimman经常作街头表演。

黄剑文busking咗4年，甚至由香港唱到海外。

因为相合音乐力量能感动到人。

妈妈离世后，Kimman跟公公、婆婆相依为命。

Kimman好孝顺婆婆。

13年前Kimman曾有意随妈妈轻生，𠵱家执返条命就唔怕会输。

热爱唱歌的黄剑文以独立歌手身份自资出歌，新歌《饯别酒》纪念已故舅父。他承认3年疫情令他入不敷支，生活处于吊盐水状态，1年做两首歌，每年动辄花12万，再赚唔到钱，捱多两年就耗尽积蓄：「做到冇晒钱我会认输，但唔会放弃音乐，仍然会继续唱歌。其实冇咗钱唔紧要，当系投资喺自己身上啫，可想而知我几爱音乐，因为音乐系我人生一部份，可纾缓压力。」

最近Kimman自资推出新歌《饯别酒》，纪念已故舅父。

饲养超可爱小猫。

郑梓浩入行32年再战乐坛

另外，郑梓浩曾于1991年出道做歌手，亦出过两张唱片，首本名曲有《一对妒忌的心》及《孤单的我》。定居纽西兰超过21年，一直与家人经营西餐、甜品、中菜及发廊等生意，因为唱歌瘾发作，7年前撇低妻儿，签公司打算重新出发，可惜事与愿违，今次参加《中年2》希望再战乐坛：「我唔怕俾人话Out，只要唱返啲啱年纪嘅歌就得，大家口味唔同，就算𠵱家乐坛多新人都唔会影响到自己。」对于自己的学生亦有参赛，Brian唔会有压力，因为学无前后，达者为先。

Brian海选献唱张学友的《我应该》，一鸣惊人，获网民洗版支持。

Brian再战舞台。

Brian当年跟彭家丽、莫文蔚及郑嘉颖等好老友。

跟Brian(右1)同期歌星有天后王菲(左起)、李家明、邹静、刘彩玉。

陆家俊(左起)、郑伊健、何宝生及郑梓浩同系91年乐坛小将。

1987年跟黎明及刘德华齐齐上戴思聪声乐课。

当年他(中)跟战友蔡兴麟、何宝生、彭家丽、蔡济文合照。

郑梓浩仲有一班铁粉。

当年出席记者会同埸有彭羚、刘文娟、张智霖、何宝生、许秋怡、甄楚倩等。

Brian年前喺《流行经典50年》遇上家燕姐。

郑梓浩为咗唱歌返港，两子留在纽西兰定居。

郑梓浩多年来冇放弃过唱歌。

24小时求助热线︰
生命热线︰23820000
明爱向晴热线：18288
东华三院芷若园热线︰18281
社会福利署热线︰23432255
利民会《即时通》：35122626
撒玛利亚会热线(多种语言)︰28960000
香港撒玛利亚防止自杀会热线︰23892222
赛马会青少年情绪健康网上支援平台「Open?」：www.openup.hk
医院管理局精神健康专线(24小时精神健康热线谘询服务)：24667350

立刻点击投票👉🏻https://tinyurl.com/38dfzwtv

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ