中年好声音丨吴大强曾拥八嚿腹肌后生已想入行 四子劲叻有消防员机师
2023-06-25 14:40 
吴大强今年以71岁之高龄参加《中年好声音》，虽然最后大热倒灶，不过仍然深受观众欢而爆红！近日吴大强接受车淑梅主持的港台节目《旧日的足迹》访问，曾任职辅警的吴大强，四个儿子个个都事业有成，位位都出类拔萃！
【相关阅读】：中年好声音演唱会‧尾场丨吴大强唱足3场仍够中气 再拎晕倒事件讲笑：个天系咪惊我唔够红
【点击睇吴大强、吴伟豪父子照】：
在节目上，吴大强表示小时候家住元朗，经常健身，拥有八块腹肌及两个梦想。当年他渴望成为职业球星或明星，可惜事与愿违，到了1971年，他参加香港电台举办的歌唱比赛，凭歌曲《One Day》获得第二名，翌年报名无綫电视艺员训练班却失落了：「喺比赛第二轮已冇下文，可能我唔够靓仔又唔够高。结咗婚之后，我睇住四个仔，心谂佢哋会唔会有天份入娱乐圈？会唔会有呢个兴趣女同能耐？」结果吴大强当年为老二和老三报名无綫的艺训班，在千多人之中只选九名入围者：「结果佢哋两个都拣中咗，但系老二一直梦想做飞机师，要去加拿大升学，结果得老三加入了娱乐圈。」
谈到他的四个儿子，吴大强说： 「我四个仔个名最后一个字分别系『诺』、『言』、『豪』、『杰』，系我对佢哋嘅期望。我做过辅警，太太任职惩教处。我哋住宿舍，屋企非常守纪律。当年老大考消防队长，我曾经好担心。佢毕咗业冇几耐，牛头角大火事件传出有消防队长出事，嗰阵佢都喺现场。我打电话畀佢又冇人听，好彩最终都搵到佢。」 他续说：「老二要做飞机师，我认为呢啲系不切实际嘅梦想，但咁啱国泰招募机师，佢过咗好多关，而家终于喺澳洲毕业，仲代表同学致谢辞，我觉得好骄傲，佢做咗飞机师，等我有乘机优惠，家叫做系收成期，可惜又遇上疫情……我暂时仲未坐过佢揸嘅飞机。」
不过问儿子感情事
四个儿子中，老三吴伟豪可谓实现了吴大强的梦想，他并不担心儿子没有一炮而红，因为儿子跟同期同学相比，表现也算令人满意，甚至曾有人赞吴伟豪为「翻版吴彦祖」，不过吴大强说：「电视台比佢靓仔嘅演员大有人在，佢做戏还可以，我曾经担心佢会学坏，但原来剧组就好似一家人互相照顾，令我好放心。」去年吴伟豪获颁「飞跃进步男艺人奖」，吴大强当然感到非常开心：「幸运地佢旧年参演嘅剧集令佢有发挥机会，自此之后佢更有信心。喺呢个圈一定要学习其他人嘅演技，唔一定要似发哥（周润发）或华仔（刘德华），但系努力去做。」吴大强还说自己是迟婚一族，40岁才做爸爸，并指自己对几名儿子选择女友甚为开通：「虽然我系潮州人，但佢哋唔一定要娶潮州女孩。靓女梗系好，但心地好更加重要。」
【其他文章】：
非常检控观丨吴大强首拍剧靠囝囝带入戏 吴伟豪惊嗲哋表现太好抢饭碗
吴大强20年前父子照曝光样貌衣着零变化 吴伟豪儿时激似老窦 被揭5岁都未戒奶？
中年好声音｜吴大强父子档首度同台合唱 吴伟豪有望同爸爸演对手戏？
《星岛申诉王》100集诞生之我最喜爱影片票选，由6月16日至6月30日，玩游戏赢取总值超过10万丰富礼品！
立刻点击投票👉🏻https://tinyurl.com/38dfzwtv
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应