独家丨柯炜林难忘同发哥齐做坏事 幸运拍住影帝影后演《别叫我”赌神”》

柯炜林（Will）最近频频孖住发哥周润发和袁咏仪（靓靓）为电影《别叫我”赌神”》宣传，戏中发哥和靓靓饰演 Will父母，有不少感情戏。Will形容是「幸运被选中嘅细路」，戏外一样得到两大前辈照顾，最难忘跟发哥戏外都好似「两仔爷」一样相处，瞒住发嫂愉愉做坏事。采访：杜杜 摄影：朱伟彦 发型: Oscar Ngan化妆: Tammy Au服装:ZEGNA

Will得到参与《别叫我”赌神”》机会，绝对是无比幸运。

Will坦认《别》片演出，对往后这几年演员生涯影响深远。

Will得到参与《别叫我”赌神”》机会，绝对是无比幸运。

Will得到参与《别叫我”赌神”》机会，绝对是无比幸运。

Will得到参与《别叫我”赌神”》机会，绝对是无比幸运。

Will得到参与《别叫我”赌神”》机会，绝对是无比幸运。

《别》片早在2018年拍摄，Will忆述试镜时他还是出道不久，当时亦未知发哥和靓靓饰演父母，当得知有机会跟两位前辈合作已相当兴奋，而得知「中奖」的一刻，更加开心到不懂反应，「我记得当时喺街，收到电话听完呆咗，跟住就眼湿湿，要行咗上山平复吓心情。」问他为何能成为「幸运被选中嘅细路」，他就尴尬话：「我一直都唔够胆问，不如你哋帮我问啦！」而日前发哥终在首映时透露，贪Will够傻而拣他。

Will能够饰演发哥和靓靓合作，令他获益良多。

Will感激发哥戏里戏外都对他照顾有加。

难忘再跟智叔最后合作

由于电影中Will跟发哥有不少跑步戏份，开拍前两个月，发哥便隔日搵他一齐练跑，这段日子令他好难忘，「我哋练跑啲地方比较偏僻，我又冇车，所以发哥每次会嚟我屋企车我，之后又会带我食好嘢，最后再车我返屋企，我哋倾咗好多嘢，呢段日子好帮到我哋拍摄。」发哥对Will爱护有加，戏里戏外更似父子般相处，Will最难忘一次是去食饭，「嗰间餐厅我哋成日去，发哥同我都好锺意食一款河粉，但发嫂嗰日冇点拣咗其他嘢，但发哥话想食，我就细细声和应『系啦，我都想食』，于是发哥即刻叫咗碗一齐食，发嫂问返佢就解释话Will想食，我哋好似背住发嫂偷偷做坏事咁，哈哈！」

戏中Will和发哥有不少跑步戏，开拍前花了两个月练跑。

至于戏中妈咪靓靓，Will一样感激对方带入戏，「我哋有好多感情戏，我问佢可唔可以拍之前望住对方对眼一分钟，等我可以易啲投入感情，佢好好每次都帮我，仲会喺现场叫大家静静，话要同个仔培养感情。」另外跟已病逝的智叔廖启智再合作，亦令Will好难忘，「我第一部戏《点五步》已经同智叔合作，隔咗咁耐唔知佢仲记唔记得我，智叔竟然主动埋嚟搭住我膊头喺我耳边嗌『牛屎』（《点五步》中角色），有佢喺度我个心即刻定咗，后尾知佢离开真系好难接受。」

Will跟靓靓在戏中有不少感情戏，多得靓靓带他入戏。

电影成为智叔遗作之一，亦是Will跟他最后合作。

《星岛头条》新网站有更多精彩内容：http://www.stheadline.com/

《星岛申诉王》100集诞生之我最喜爱影片票选，由6月16日至6月30日，玩游戏赢取总值超过10万丰富礼品！
立刻点击投票👉🏻https://tinyurl.com/38dfzwtv