独家丨阿仪经理人唔易做峇里减压林宝玉加细码比坚尼裸背玩「侧漏」

2023-06-30 07:00

林宝玉（Connie）贵为亚洲心动娱乐「一姐」薛影仪的经理人，做经理人已经唔容易，仲要做阿仪的经理人，压力之大常人唔会明。所以Connie之前跟老友快闪峇里4日，减压之馀仲疯狂换泳衣影相大晒32C big爆身材，影到兴起索性剥衫玩祼背，32C唔觉意「侧漏」，超香艳。Connie承认阿仪经理人唔易做，最嬲被网民狂闹「消费」阿仪：「其实阿仪好Enjoy做幕前，仲话Fans多过我，不知几自豪。」采访：方骞平

Connie出发前一个月勤做运动，务求影泳衣相冇半滴多馀脂肪。

穿上低胸装的Connie，「最索经理人」之名果然名不虚传。

Connie置身泳池享用浮水餐，摆晒Pose影相。

Connie换上吊带长裙，仍然咁抢眼。

林宝玉带了3套泳衣到峇里影靓相，为计划明天推出的写真集做热身，换上三点式的Connie大晒32C-24-35喷血身材及靓腹肌，其中湖水绿比坚尼最好睇，因为超少布，包唔晒澎湃上围，「南北半球」泻晒出嚟。她大笑说：「呢套泳衣即买即着，女伴抵死建议我买加细码，结果迫到爆，叫做满足吓自己。」至于满唔满意身材？Connie坦言：「点都会有啲嘢嚟充撑吓，增加视觉效果。」Connie称为影靓相，出发前一个月勤做运动，Keep住靓body：「原先plan咗今年去欧洲影写真集，但工作太多真系行唔开，明年再算。」今次峇里之行吸引唔少型男搭讪，吓到两女惊青速逃，唔敢交友。

身穿加细码比坚尼，露出火辣「南北半球」。

影到兴起玩裸背，侧身漏出丰满上围。

仆心仆命帮阿仪挽鞋

Connie早前为阿仪出新歌奔波，不停穿梭香港及大马，幸好《一加一等于阿仪》MV，上架两个月点击率逾170万，而《爸爸爸爸我爱你》MV见街3周，亦有近36万点击，Connie功不可没，算有个交代。她认为辛苦都系值得，亦道出跟阿仪合作嘅甜酸苦辣：「当日为阿仪出歌，四方八面出现阻力，尤其敲门搵赞助不断俾人泼冷水，不过，老板赖彩云坚持就算自费都要做好佢，最后阿仪拍《一加一》MV街景，我帮阿仪挽鞋，连助手都做埋，𠵱家出第2首歌经已有赞助商搵上门。」虽然阿仪好真性情，遇口臭网友会爆粗狂X，但她对Connie好温柔，「阿仪都生性，好尊重我，从来唔会喺我面前爆粗，上次陪佢去大马做Show患肠胃炎，阿仪虽然好依赖我，但仍主动叫我返房休息唔使理佢，仲不停提工作人员『宝玉唔舒服，畀佢休息啦。』见我上线就视像问候我，阿仪竟然识关心人，都好窝心㗎。」

当日阿仪拍《一加一》MV，Connie帮阿仪挽鞋做埋助手工作。

《一加一等于阿仪》MV推出两个月，累积点击率逾170万。

第2首单曲《爸爸爸爸我爱你》上架3周，收看人次近36万。

阿仪变身师姐，AMM老板赖彩云(中)将力捧女子跳唱组合JARA及来自马来西亚的刘汉杰。

Connie同阿仪患难见真情，两人共同进退转投AMM赖彩云旗下。

阿仪好Enjoy见Fans

Connie曾于危难中力「救」阿仪，两人关系非外人所明白，不过网民就觉得她「消费」阿仪出PO狂闹令她有冤无路诉：「从来唔会强迫阿仪做啲唔想做嘅事，有时拍摄有难堪位，好似临时加入用丝袜笠头，我会第一时间扑出去阻止，我想佢舒舒服服咁拍嘢。」网民以为阿仪系扯线公仔，其实佢不知几享受做明星。「佢真系好享受唱歌，尤其佢喺大马见到有咁多fans支持会好开心，仲会好自豪，笑晒口咁同我讲：『喂！宝玉，我啲fans多过你喎！』」Connie无奈表示：「其实我另一个身份都系演员，有曝光好正常，呢方面要攞个平衡位，唔好俾人误会。」她认为做幕后兼顾太多孭好大责任，所以唔可能听到负评就轻易放弃，暂时她都想接触幕后层面去学吓嘢先。