周润发银包藏与郑裕玲合照 突然示爱冧爆老拍档：不得了，我好锺意
2023-06-29 14:30 
郑裕玲（Do姐）日前宣布进军YouTuber行列，开设自家频道主持节目《The Do Show》，头炮的嘉宾正是多年来的最佳拍档周润发，节目今日正式上架，郑裕玲一见拍挡，忍不住说：「好惨呀，我请咗你好耐，去我电台节目做访问，又呓又筛都唔骚我！」结果周润发出口术狂冧，搞到郑裕玲大发娇嗔，更一度忘记要问甚么！
【相关阅读】：郑裕玲周润发激罕合体肉紧咀嘴掀集体回忆 少女心大爆发宣布进军YouTube
【点击睇郑裕玲周润发过往合作】：
今次是2011年《让子弹飞》在北角的记者招待会后再次碰面，郑裕玲说：「我好想话，你几时可以再同我倾偈呢？疫情期间，我都有跑步，但系我喺gym度跑，咁冇得跑好惨喇，咁我谂发哥日日都跑步，咁我走去join佢个跑步团，或者我呓吓佢，佢肯嚟接受我嘅访问。」郑裕玲随即向知情人士了解并说：「佢话唔系架，唔系你一话跑，就可以入到发哥呢个中心地带，你要喺外面慢慢跑入嚟。」
周润发当然否认此事并说：「其实我哋好早喺天光道朝朝跑，《网中人》嗰时，你一套白色，我一套白色，跑完我哋就去靠背垄道嗰度饮豆浆，我哋跑步都有啲渊源，喺7几年开始。」郑裕玲又问周润发即使跑都步都只不过是一个上午，其馀时间会做些甚么？周润发说：「我而家好多嘢搞，多数系搞啲玻璃镜头，买啲旧嘅镜头返去影相，所以呢个阶段，冇乜人请我拍戏，我有得跑步同影相系好开心！」周润发更自觉一个幸运的人，很多人为自己写剧本，他还说：「而家我想做啲特别嘅角色，唔同想以前太重覆，虽然我哋年纪大咗，但系都有唔同嘅表演方式。」
周润发呻旧拍档「移情别恋」
郑裕玲与周润发从80年代的电视剧开始合作，她亦问到当日从电视走进电影的心情，周润发说：「我由电视去到电影，之后再去荷里活，再返国内拍，其实系一个心态，随波逐流，系好随心，我喺94年同金公约满，觉得有时间要休息下，嗰阵我见你比阿妈仲要多，呢个女子佢不得了，我好锺意个女朋友！」他更搞笑地说：「不过呢个女朋友好快移情别恋，锺意嗰子华神，后尾又锺意农夫，而家又锺意小鲜肉！」
接着郑裕玲又爆周润发未埋位前，很爱与导演研究，于是问他为何不去做导演？周润发说：「导演责任好重喎，我得闲揽揽锡锡咪算，我唔锺意做啲咁有规律性嘅嘢，系辛苦架。」郑裕玲又爆拍《网中人》的一个秘密，她笑说：「你冇同我讲，原来嗰阵佢做程纬，喺个银包摆咗一张我哋嘅合照，呢个系乜嘢方法？」周润发随即在她耳边细语：「我日日都挂住你，我挂你多个挂住我老婆！即系喺戏入面呀！我记得有一场戏喺铜锣湾法院，我判咗入狱，我喺架车喊到唔识得收声，个女朋友为我仆心仆命，我真系唔舍得你！」结果搞到郑裕玲大发娇嗔，更一度忘记要问甚么：「你真系氹死人，想闹你都唔得！好彩我写低如果唔系畀你氹到。」
【其他阅读】：
郑裕玲确认离巢TVB 效力44年早已想「唔续约」：3年疫情有改变
郑裕玲传离巢｜与周润发拍档跃升一线花旦 TVB收视福将《男亲女爱》破纪录
郑裕玲《口水》完成储齐四大天王壮举 网民敲碗：仲争一个世界级巨星
《星岛申诉王》100集诞生之我最喜爱影片票选，由6月16日至6月30日，玩游戏赢取总值超过10万丰富礼品！
立刻点击投票👉🏻https://tinyurl.com/38dfzwtv
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应