独家丨「亿万驸马」伍富桥被老婆调教到化境多谢网民闹佢畀Like食软饭恶评

2023-06-26 07:00

伍富桥（Alvin）最近推出新歌《很多很多份之一》，以跟太太梁兆楹（Shirley）的爱情故事作蓝本，顺道庆祝结婚周年。由于老婆的亿万千金背景，Alvin由2022年2月公开恋情至5月闪婚以来，收到大量恶意批评。Alvin坦认最初好介意，后来太太安慰他，现在有大屋住有老婆锡的他，你有你耻笑，佢有佢好好享受富贵婚姻生活。对被封「亿万驸马」，他笑言「驸马都有女婿嘅意思。」见到网民留言嘲笑仲会畀like㖭，叻仔，识玩喎。采访：杜杜摄影：朱伟彦发型:Anthony Wong 化妆: Kyo Lee

Alvin对负评已免疫，唔会嬲更会畀Like。

Alvin早在3年前已收到《很》的demo，但仍未想到主题，直到年前遇到Shirley更闪婚，就决定用两人的爱情故事，「记录低我人生进入另一个阶段，对婚姻、爱情的一个写照。」

Alvin新歌MV搵杜以辰做女主角贪她个样够亲切，更有方力申客串。

爱情故事由睇唔顺眼开始

唱片公司最初打算邀请Shirley出任MV女主角，「佢唔制啦！佢系圈外人都唔想佢出镜，会影响到生活，唔想勉强佢，但最尾都决定摆返合照上去，始终系讲我同太太嘅故事，有我哋嘅相好似圆满啲。」虽然Shirley冇份拍MV，但化身美食大使支持老公，「佢前一晚准备咗好多泰式捞海鲜畀我带畀工作人员食，去到健身室拍佢又上嚟万岁请食汉煲包同饮珍珠奶茶。」

Alvin跟Shirley由拍拖开始不断被恶意批评，反令她们感情更坚固。

MV中，Alvin跟饰演其太太的杜以辰，由最初睇唔顺眼到挞着，正是他跟Shirley的写照。两人早在2016年已于TVB娱乐新闻台共事，当时任主播的Alvin性格太被动，连招呼都唔打，令身为助理编导的Shirley觉得他好冇礼貌，印象极差，直至2021年两人再重遇，「朋友带佢上嚟我健身房教佢做gym，佢上到嚟大家都客客气气，之后我哋先真正认识，就系咁奇妙。」

Alvin未来工作重心会放在健身中心生意上，但不会放弃最爱的唱歌事业。

身为健身教练的Alvin婚后开始幸福肥，他解释为参加健美比赛而增磅。

网民开心就得真系冇所谓

Alvin在2022年2月2日（年初二）首次公开Shirley的女友身份，女方的亿万富豪千金身份极速被起底，家族有两间麻将馆，其父从事物流和食品等生意，家住超过5千尺的西贡独立屋，市值近二亿。直到3月14日，Alvin宣布求婚成功，并于5月8日注册，因为流程太快，讨论区洗版式嘲笑男方「好快手喎」、「男人的梦想」、「分身家就和味」、「我都想食软饭」等等，总之人人都想做富仔。Alvin老实表示最初跟老婆都好嬲，后来是太太先安慰他，「佢比较成熟，好快就调整到心态安慰返我，叫我唔使理外界声音，我哋生活过得好，同外父外母都相处得好，已经够！」Alvin被老婆调教到化境，他坦言：「佢哋有讲嘢嘅权利，唔到我哋控制，但我哋亦唔一定要睇呢啲批评，校正心态，呢年几两年我已经惯咗。」

公开恋情3个月，Alvin跟Shirley已在女方独立屋注册结婚。

Shirley的嫁妆摆满成张大枱，相当夸张。

话咁快结婚一周年，酸民留言冇停过，特别是Alvin上载晒命PO的时候，他觉得最对唔住屋企人，「对太太屋企人唔系太公平，佢哋系圈外人冇义务去接受呢啲批评，对佢哋有啲愧疚，所以继续做一个好女婿，好老公去补偿佢哋。」对于被封「亿万驸马」 Alvin就有咁嘅睇法，「驸马都有女婿嘅意思，做得公众人物可以有好多个名，我之前拍《法言人》演自闭症患者叫『启年』，我太太都叫咗我两个礼拜，哈哈！所以冇乜所谓，佢哋嗌得开心就得。」他更会在恶意留言上点赞，「话『碗饭好腍呀』我会Like㗎！多谢你关注我罗！有啲人冇follow我都会入嚟闹我，都要多谢你，所以咪Like佢罗！唔通我Like佢都闹我咩。」不过他强调不会有任何回应，以免引起骂战，「有乜好闹啫！大家又唔识。」