专栏│信莫迪历别无他选
2023-06-18 08:00 
克罗地亚喺欧国联4强同荷兰斗得激烈，「格仔兵」最后喺加时胜出。虽然艾尔觉得欧国联嘅重要性不大，但克罗地亚展示出嚟嘅干劲真系值得佩服。
平心而论，对比法国、英格兰等欧洲强队，克罗地亚嘅阵容唔算起眼，除咗莫迪历嘅技术比较强，其他球员嘅实力都好平均。不过，连埋上仗击败荷兰，克罗地亚近4次大型比赛嘅加时赛，只系喺2020年欧国杯输过畀西班牙，「加时之鬼」唔系浪得虚名。
可以踢到咁嘅水准，艾尔觉得队长莫迪历居功至伟。佢上场踢足120分钟，仲搏到12码，又有助攻同入波，名副其实嘅「全能队长」。更加重要嘅系，球队可以经常喺加时赛交出好成绩，作为精神支柱嘅莫迪历作用非常重要。做人最紧要有信念，莫迪历带畀「格仔兵」嘅信念，系球队最大嘅原动力。嚟紧决赛大战，西班牙相信会非常头痕。
另一边厢，日本踢紧乙组联赛同联赛杯分组赛。北海道札幌冈萨多今季联赛杯主场曾经赢过横滨水手3:2，火力保持强劲。今次联赛杯对住乙组嘅磐田山叶，赢面几大，但防守始终唔稳阵，推介全场入球大细3.5大。艾尔
-----
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
關鍵字
最新回应