专栏│里尔蒙彼利埃「大」斗法

欧洲五大联赛入到最后直路，法甲争冠形势仲未尘埃落定，执笔嗰阵榜首嘅巴黎圣日耳门目前只距离第二名嘅朗斯6分，两队将于今轮碰头，相信会几紧凑。

另一边厢，雷恩、里昂同里尔嘅分数非常接近，争夺欧霸杯外围赛资格。其中，艾尔较留意里尔今晚会喺主场对蒙彼利埃嘅赛事。

曾经冲击过法甲冠军嘅里尔，今季主场表现尚算稳定，15场主场赛事有9胜4和，近7场联赛喺主场未输过。今季入咗19球嘅庄拿芬大卫状态大勇，就好似拿玻里嘅域陀奥森汉一样，系球队不可或缺嘅主力。配合教练科辛卡较进取嘅打法，亦有唔少进攻点，里尔火力有一定保证。

不过，里尔后防唔太稳阵，近8场联赛只有两场保持不失。虽然今次番嚟主场确实有威力，但对手蒙彼利埃自从转咗教练之后，水准逐渐稳定番。同埋，蒙彼利埃有卡斯里、沙云尼亚、华希等有入球能力嘅球员，球队近八场联赛都有波入。

当然，里尔需要为欧洲赛资格而努力，但蒙彼利埃都唔系省油的灯。𠲖家里尔让球盘让得偏辣，今场估计两边打得开放，斗攻格局下，各位不妨考虑入球大细2.5大。艾尔

-----
《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料: https://bit.ly/3IMunqd

你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ