独家丨李婉华评剧惨被煽动人身攻击直斥王晶行为贱格:唔系朋友

2023-06-14 07:00

已移居加拿大多年的李婉华于网台节目《豪华博客》批评《一舞倾城》「卖处」养家剧情教坏细路，辣㷫负责制作的王晶，出post大反击耻笑女方「过气四线」及「TVB屎戏之王」。事隔多日，刚回港的婉华表示唔嬲王晶但就划清界线：「佢唔系我朋友，朋友唔会做伤害对方嘅嘢！」更直指被王晶人身攻击，咬住唔放，全因自己好虾，更斥对方发表煽动言论，令人互相攻击，行为好贱，最后更抛下一句：「咁大个人，积吓口德啦。」采访：方骞平摄影：谭志光

李婉华想当年，「80年代嘅风气，女主角要卖弄性感、拍出水芙蓉、牀戏、走来走去俾男主角玩…对于一个喜欢演戏嘅演员嚟讲，冇乜发挥机会。」

最终她选择咗拣咗一线艺人光环，宁愿捱更抵夜，辛苦啲都唔要4线舒服圈。

加上演员、歌手往往被一间公司绑死坦白人生有几多个10年？

李婉华被王晶隔空骂战风波困扰，好彩有19岁囡囡Natalie锡返。

婉华从人生经历成为教女题材。

今次隔空开火，哑忍多年的婉华才揭示跟王晶的24年恩怨情仇。1999年，婉华接拍王晶执导的电影《制服诱惑2︰地下法庭》，埋位前一日，晶哥突然要求她剥衫演出遭拒绝，至上映时才发现被裸露，由替身代她剥衫，演艺路上无啦啦有个污点，她强调问心无愧，因为冇拍过，被标签也没办法。突然感怀的她坦言有得再选人生，会好好读书，因为做演员唔容易，8、90年代电影女星好多只系花瓶。

李婉华多年前演过王晶执导的《制服诱惑2︰地下法庭》，突然要她剥衫演出被拒绝。

李婉华演过王晶执导的《至尊三十六计之偷天换日》，戏中打扮性感冶艳，令梁家辉著迷。

拍王晶戏唔使演技
李婉华坦言唔系王晶提起，都唔会记得当年被裸露事件：「嗰个年代佢系大导演，我呢啲演员No Say，拍咗咪算罗，但就真系冇兴趣睇返，呢啲情欲戏唔好睇，都提醒返演员将来要面对自己及仔女，要小心拣戏。」讲到被王晶贬为过气「4线」演员，她相当不忿：「我always一线，佢话4线就4线咩？如果我戏屎，拍嘅电视剧就唔会数唔到咁多啦，电视台出身嘅熟能生巧，大部份识演戏。」婉华揶揄说：「反而拍佢啲戏，做戏唔使咁叻，因为有啲演员卖身材，有啲就卖关系。」问到系咪冇朋友做？她即割席：「不嬲系导演跟演员关系，讲唔上系朋友，朋友系唔会伤害对方嘅。」

婉华以前做过多剧女一。

李婉华宁捱更抵夜拍电视剧，至少有发挥。

仲瞓身着泳装做宣传，好专业。

睇王晶戏唔使用脑
因为少睇港剧，李婉华唔知《一》剧由王晶制作，强调就算知道都以事论事，作为家长要灌输正确道德观念畀子女，竟遭王晶反击，指她「那么有道德就教好你的加拿大女儿，守住处女到40岁。」，婉华笑言：「大人唔需要讲呢啲嘢呀，仲讲埋人哋个女，但如果人哋讲返佢，佢可能会10倍奉还，我谂佢系拣人(开刀)嘅，觉得我几好虾！哈….好多人戥我不值！我唔嬲，只系突显佢系乜人，咁大个人要积吓口德啦，呢班人喺80、90年代都攞尽晒好处，如果我系佢会提携多啲年青人，传承电影。」婉华更斥好勇斗狠嘅人好难有好作品：「用闹人、踩人及做啲煽动言论，令人互相攻击，我觉得好贱同唔理智罗！希望香港人个个都可以开开心心，珍惜返我哋拥有嘅有人及事，点解要互相攻击呢？我哋睇佢啲戏都系想唔用脑寻找娱乐。」

李婉华批评《一舞倾城》教坏细路，制作人王晶还击对方过气兼「戏屎」。

王晶及李婉华隔空骂战。

李婉华于网台节目《豪华博客》跟林子博等公开批评王晶制作嘅剧集教坏细路。

陈星妤在《一舞倾城》中演「KK」，被饰演阿妈的袁洁仪强迫「卖初夜」赚钱。

陈星妤演的「KK」被关楚耀饰演的「花花公子Marco」狂追，最终献上初夜。

安慰姜涛勿介意肥瘦

提到近年港产片，婉华大赞《正义回廊》，导演何爵天拍得好、麦沛东及杨伟伦演得好，读过演艺学院的婉华，好开心演艺学生得到业界认同；至于贾胜枫执导的《流水落花》、陈小娟的《沦落人》都系好戏。至于新晋演员，婉华力推「教主」卢瀚霆：「我好钟意睇佢同吕爵安CP剧《大叔的爱》，连汁都捞埋，又好花心地锺意埋既乖仔及靓仔嘅姜涛。」对于姜涛个唱海报被恶搞变大肥仔，婉华作出安慰：「唔好理人点讲，锺意你唔会介意你肥定瘦，喺妈妈级角度，见到佢肥仲开心，最重要系健康开心，肯食嘢咪仲好。」婉华又温馨提示教主要多休息。另外，对19岁的囡囡Natalie想入行，婉华叮嘱她要先读好书磨利把刀，只有知识带唔走：「好似猪肉威(刘宋威)系最佳例证，佢戴咗口罩一双电眼令人有幻想，但除罩大家喜唔喜欢就自行判断，要成为被追捧及受欣赏偶像，系唔可以斋摆甫士，必须有才艺及人品。」