杨千嬅演唱㑹2023丨相隔四年广州开骚死忍唔喊争取时间 罕有公开多谢儿子成生活动力
2023-05-28 18:50 
杨千嬅世界巡回演唱会《MY TREE OF LIVE》的首站昨晚在广州海心沙亚运公园展开，两场门票在开售当日已经被秒杀，场外亦被两万多核心外围观众包围，场面非常夸张。今次杨千嬅相隔四年在再广州开骚，她竟然罕有地公开多谢儿子！
【点击睇杨千嬅世界巡回演唱会《MY TREE OF LIVE》现场情况】：
杨千嬅出场时站在高三层楼的吊台上献唱《飞女正传》后，一连唱出多首经典歌曲，包括《飞女正传》、《烈女》、《少女的祈祷》、《可惜我是水瓶座》等，观众热烈欢呼，不停跟著她每首歌大合唱，杨千嬅开心说：「大家好，好耐冇见呀，你哋好犀利喎，咁样嗌落来，好耐无听过呢啲声音，多谢你哋呀！你哋嗌到咁凄厉，哈哈哈....把声我好似争咗你哋四年钱，哈哈哈，不过我好锺意呢啲声音呀！」唱完《勇》之后，她又指有缘再在这舞台跟观众见面，很是感恩，笑问观众：「这个舞台感觉好魔幻，我以为会有好多嘢要同大家讲，或者一开场就喊，大家都好担心我会喊爆崩舞台....但我忍住，冇喊，点解？因为我要好珍惜唱每一只歌的时间，代表著我每一段人生阶段遇到嘅你哋，其实人生好简单，仲有好多事可以一齐庆祝，希望下次演出仍然有你们和我庆祝。」之后唱出《还有事情可庆祝》。
杨千嬅又笑说：「其实我都系癫架，我都冇乜点变呀？其实你哋除咗想听歌，仲想做咩？倾偈呀？我都唔知今晚拣嘅歌中唔中你哋拣嗰啲。」她又搞笑指自己的ear mon是助听器，只看到大家「口噏噏」跟住唱，尤其是唱《河童》时：「你哋点架，可唔可以唱多次畀我听，我会感动一世。」千嬅先唱几句，然后歌迷即唱大合唱，令她感动非常，闪著泪光笑著说：「哗！测试成功了，唔该晒，抽样调查呀。你哋好劲！」看到歌迷拉的横额，她又指著说：「见到你地啦，咩羊陪住你呀，依家见到个羊(阳)字都惊呀，知唔知呀？哈哈哈....作为一个杨（阳）姓女明星，好惊架，但见到你哋就唔惊。我嘅亲友、好朋友、70人喺香港来捧场，我个仔话唔畀我提佢，但我都要多谢佢，因为我用咗好多时间去准备呢个骚，好少有阿妈多谢个仔，但我要感谢佢畀咗我好多生活动力，喺相处中嘅人生鼓励。」
杨千嬅又自爆之前曾中招，记忆力愈来愈差：「我已经系有啲年纪嘅人，记忆力系会差啲
，多谢漏咗边个唔好怪我，希望大家继续支持我，做一个演唱会需要好多勇气同时间，最紧要系每一位观众，先可以成立呢个演唱会，多谢你哋。山顶嘅朋友，hello，我系睇到嘅，一开场时，我系好感动，点解一开始咁够胆喺咁高20几尺出场？今日应该睇到我啦？我克服畏高就系希望所有山顶嘅朋友都睇到我，其实最初真系好惊。」
她又公开多谢老公丁子高：「最紧要多谢出品人丁子高先生，好想分享佢对唱歌嘅热爱热诚，一定唔会少过我，佢好支持我嘅演出，thank you。」之后又自爆前日做了一件好低能的事，「我平时唱歌拎咪好少换手，噚日彩排时唔小心扭亲只手，点解整亲呢？我要试舞台服装，除裤嗰阵好紧张，因为赶时间，点知一除只手指公就kick到只袜，然后成条筋黐埋了，手指公唔可能屈曲，工作人员介绍了一支药膏畀我，搽咗之后好咗很多，终于拎到咪成晚了！」演唱会唱到完场安歌后，歌迷不肯离座，但广州场地限时十点前要停止演唱会，最后她唱到九点五十九分才冲下台，清唱半首《姊妹》作结尾，令观众非常开心。
【其他文章】：
郭富城夫妇扚两千金出街食饭 贪靓大女悉心打扮潮Look十足「迷你方媛」
魏骏杰与长发女子亲密合照！「情人」身份曝光获祝福 不避谈第二春自爆移居杭州
洪永城一岁女被阿妈硬喂头咁大个面包 Sir face与一人嘴对嘴网民惊呼：初吻咁快冇咗
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应