极悍巨鲨2:深沟丨战狼吴京恶斗史前恐怖巨鲨 唔怕死直升机跳海勇救泳客

18年，中美合拍的科幻动作片《极悍巨鲨》被不少影迷评为胶戏，但你咪理，全球大收5.3亿美元(约41亿港元)票房，见好再追，第二集《极悍巨鲨 2：深沟》将于8月3日上映，继续由上集型佬男主角积逊史达顿 (Jason Statham)孭飞，再搭战狼吴京恶斗多只成座山咁大嘅巨鲨。

将于8月3日在港上映。

故事就咁嘅，因为受到恶意采矿业影响，激嬲深海巨型怪物浮出水面攻击人类，都话人类先系全宇宙最恐怖嘅生物，巨鲨游向水上乐园同海滩，见你玩得开心就一啖吞咗你，好彩世界上有战狼吴京，打得又跳得，喺直升机跳落海都面无惧色，为救泳客死都唔怕，好感动呀。

咦，点解有恐龙嘅?时间返到去6千5百万年前。

中恐龙食紧迷你恐龙。

其它恐龙觉得唔对路即闪，但中间嗰只仲挂住食唔识走。

走啦。

太慢嘞。

睇图好清楚，唔使解释啦。

男主角积逊史达顿要搵人帮拖。

战狼出场嘞，HELLO?

战狼发现巨型生物。

研究人员落咗水底睇真啲。

突然间被嘢袭击，留意返唔系花晒头呀吓。

研究人员剩返个头盔。

吓鬼咩。

吴京叫泳客快啲走。

好明显巨鲨吞紧班人,点影㗎?

因为好嬲，巨鲨群起围攻人类。

本来拍紧拖好开心。

巨鲨出现。

个人影好有动感。

预告先好睇，见巨鲨袭击众男女主角，又恶又快又狠，但男主角积逊史达顿都唔系流的，避到又挡到，边睇边心谂，「吓，唔系呀嘛」，然后笑出声，竟然令我有啲期待套戏𠻹。

左面好高速嘅就系巨鲨，佢冲去咬人但都唔够快。

睇吓吴京几勇猛。

积逊史达顿劲到，大佬呀呢度唔系门呀。

吴京坐直升机救人。

水上乐园被巨型生物袭击。

巨型生物条尾仲打到直升机。

吴京跳海，嗱，唔好同我讲用咗CG，我唔信㗎。

《星岛头条》新网站有更多精彩内容：http://www.stheadline.com/