独家丨菊梓乔嬲猪被指整容:化妆师手势唔同「一姐」静晒自言难得放慢脚步

2023-05-17 07:00

菊梓乔（Hana）相隔4年再于九展举行个唱，人逢喜事精神爽，有得开骚连个样都靓啲，之前她于澳门个唱中，因为现场音响出现故障导致耳膜严重受伤，Hana求诊后出po贴靓相报平安，不过网民错重点，指她惊现「间尺鼻」，Hana呼冤指每个化妆师手势唔同，她根本冇靓过，最多只系化妆叻咗。采访：方骞平摄影：邓国良发型：nicki_ting 场地：富荟旺角酒店

Hana曾经捱过，明白人生总有顺景逆景，目前难得可以放慢脚步。

人逢喜事精神爽，菊梓乔有得开骚连个样都靓啲。

Hana4年来一直想开show，无奈受疫情耽误。

菊梓乔嬲猪被指整容。

菊梓乔唔会邀请吴卓羲做个唱嘉宾。

菊梓乔于本月20及21日举行《Hanafinity演唱会2023》，Hana坦言4年来一直想开show，无奈受疫情耽误，直至开关后，去年11月及今年2月才有机会分别到美国及澳门演唱，今次香港个唱都系突如其来，她快速于3小时内敲定：「𠵱家世事变化咁大，唔知会发生乜事，有机会我梗系𦧲饭应。」

Hana为个唱彩排。

之前悉心打扮出席个唱记招。

菊梓乔着低胸装影演唱会海报。

赞吴卓羲𠱁得人好开心

Hana同吴卓羲关系非一般，但她强调唔会邀请对方做嘉宾，亦只会安排家人睇show，问到届时会否有「好消息」宣布？她笑住耍太极说：「我会宣布呢个show只系开始，因为公司帮我plan紧巡演。」虽然乜都冇预吴卓羲，但赞返对方系好搞笑嘅人，见到佢会好开心。

2022年Hana出席除夕骚，吴卓羲带家人来撑场。

之前受力捧嘅Hana喺九展举行《只想与你在一起》处女个唱，一度感动落泪。

去年底Hana终于去到美国登台。

曾被封为「星梦一姐」嘅Hana，近年因为唱片公司人事变动少咗曝光，𠵱家由何丽全领导下的TMG改捧炎明熹、JW等，对此，Hana声称冇Hard feeling，因乐坛要有妹妹、有哥哥才会百花齐放，她从不觉得自己系一姐，今年她主力做巡演。Hana声称小时候被父母遗弃，做童工捱大妹妹都过得到，明白到人生总有高有低，𠵱家又唔系冇得唱歌，难得有机会放慢脚步，她反而最介意被指整容，一定要解释。「每位化妆师手势唔同，怀疑当日未化完个妆就去见记者，所以个样睇落有啲胶胶哋。」她唔介意素颜俾观众睇清真面目，前提系要有善长喺筹款节目中捐500万落妆费。Hana自言唔够靓都想整容，咁靓咗就唔使唱歌，做model影相都搵到食。