独家丨周吉佩助情绪病歌迷重生感动爆喊兴奋自爆结束7年夫妻分房瞓局面

2023-05-13 07:00

36岁周吉佩（吉吉）获《中年好声音》冠军后人气急升，生活出现重大变化，「吉s粉」(Fans昵称)激增5倍。日前吉吉兑现有幸得奖就请食饭承诺，自掏腰包柯打到会和近百位歌迷会会员庆祝，期间感动落泪。事业有起色之馀，他跟落选港姐太太黄彦欣亦已同牀「合体」，结束7年多分房瞓局面，更开心自爆：「夫妻关系有升华。」采访：方骞平

吉吉兑现有幸得奖就请食饭承诺，被现场Fans热情感动到喊。

吉吉好激动，喊到耳仔都红晒。

周吉佩成名得来不易，更珍惜「吉s粉」对他爱戴。

周吉佩和近百位歌迷会会员食饭庆祝。

周吉佩最近工作停不了，但仍忙中偷闲跟「吉s粉」庆功：「当晚冇请食鲍鱼，但食泰菜都好好味㗎，希望过多一段时间我有更大嘅进步，攞到更好嘅成绩，到时再请大家食好啲啦。(咁下次系咪食鲍鱼呀？)我真系唔敢应承住，怕开大咗个头收唔到科呀。」

吉吉自掏腰包柯打泰菜到会，下次成绩更好时再食好啲。

帮助Fans搵到奋斗目标

吉吉最意外歌迷会成立短短个多月人数激增，由4月中只得20人参与首次聚会，𠵱家会员近百，年龄层由5岁到50几岁，当中有跟足他15年的忠粉：「见到咁多人支持自己，真系好感动，一直以嚟希望以歌会友，今日终于做到，佢哋系我嘅动力。」而最令吉吉感动是可以帮到患病Fans，「有食情绪药多年嘅Fans DM我，佢15年前买咗我唱片，但一直放喺柜桶，直至见到我参赛，被我追梦故事打动，激发佢搵到奋斗动力，情绪病不药而愈，呢件事令我好鼓舞，冇谂过自己有能力用生命影响生命！」

吉吉好𠱁到姨姨fans欢心。

台上跟女歌迷一齐跳舞。

5岁小朋友都like吉吉。

吉吉能以歌会友。

发表冧妻宣言无人取代

歌迷会活动上Fans为吉吉订制吉字蛋糕，现场又播放他唱《留给世上我最爱的人》的参赛片段，台下不少人感动落泪，当然包括主角。当晚除大合唱外，吉吉又演绎15年前处男歌《家教》，由于歌曲讲述爸爸对他的教导，做了爸爸的吉吉，重新演绎感受更大。另外跟Fans跳唱《跳舞街》掀起全场高潮：「连孻仔Jasper都兴奋到清唱两句，老婆又同班Fans玩埋一份。」对于多咗女Fans，吉吉强调老婆唔会呷醋：「成立到歌迷会要多谢吉太，佢负责同Fans沟通，Fans锺意佢多过我。」他又发表冧妻宣言：「我人生所有嘢交晒畀吉太管理，佢系我心目中No 1女神，无人可以取代！」

太太黄彦欣及一对子女现身撑场，用行动全力支持。

吉吉歌迷会成员愈来愈多。

歌迷聚会变身签名会。

老婆唔介意女Fans埋身。

吉吉受男男女女欢迎。

迷姐近距离接触吉吉笑到卡卡声。

老婆怪佢爆晒家事出嚟

吉吉成为大忙人，他坦言老婆有啲唔开心，「我哋连一齐食饭嘅时间都冇，不过佢挂住我多咗。」对于之前投诉自大女Imogen出世返家第一日，老婆要陪小朋友瞓，将他被铺掉去细房要求分房瞓，经他狂呻后问题已得到改善，最近一对子女已搬入细房，两公婆终能「合体」：「其实系要时间嚟说服孻仔，𠵱家佢5岁，大个仔肯自己瞓。以前两公婆会为分房瞓而闹交，不过知道太太好锡小朋友，互相迁就唔会怪佢，佢反而责怪我乜都讲晒畀人听，但佢听返访问，又话我讲得几好笑，唔介意我坦白，坦诚系我哋沟通方式。」最后吉吉笑说：「分房7年，𠵱家两公婆同牀反而有啲唔惯，因为自己反瞓，成日嘈醒吉太，哈！但佢就好锺意我啲鼻鼾声，话好有安全感喎。」忙到天昏地暗，吉吉笑说同牀都冇气冇力制造「小吉吉」