吴业坤贴一相竟激嬲镜粉？泥鯭寸姜涛战火蔓延 Ben Sir疑搭嘴都「中枪」
2023-05-12 15:30 
MIRROR成员姜涛早前在《Chill Club 推介榜年度推介22/23》获得「年度男歌手」银奖，在台上逐一「祝福」MIRROR其他11位成员，引起网民反弹。RubberBand成员泥鯭当日在fb连环出post，揞名嘲讽：「多谢说话定系『鼓励』说话？！WTX？！系咪short X咗？！修哥都讲唔出啦！」事件引起骂战，RubberBand前日（10日）亦在社交网向姜涛等人道歉。其他不少艺人亦躺着也中枪，因疑此与MIRROR有关的贴文而被镜粉闹。
【相关阅读】：CHILL CLUB颁奖礼2023丨RubberBand出声明向姜涛道歉 深明尊重不同声音的重要性
【点击睇吴业坤被镜粉闹】：
吴业坤日前在fb贴出一张自动门的照片，因上面的自动门标志似足MIRROR logo，结果有镜粉对号入座，玻璃心碎闹爆吴业坤，贴出他昔日与黄心颖的合照留言：「果然同心颖系friend呀。」暗讽吴业坤与泥鯭同声同气，亦有镜粉长文嘲讽吴业坤冇料到：「其实唔需要讲呢啲。有料到嘅咪试吓铜锣湾度买广告，睇吓会唔会万人空巷同你庆祝生日。你可以出周边产品，睇吓可唔可以买到通街都系。」该镜粉还自言就是锺意MIRROR的不足：「佢哋可能有不足嘅地方，但系对我来讲就系锺意佢地嘅不足，而每日喺度进步紧。都系嗰句，你有料到嘅可以打低晒佢哋。唔使怕喎，如果你好嘅话，我一定会支持你。」不断嘲讽吴业坤冇料㺫。
不过大部份网民都支持吴业坤：「其实镜粉又有乜好怕wo，生命满希望……」、「好欣赏坤哥咁善良孝顺地出post」、「啲玻璃心真系恶X到呢，影道门都唔畀。」也有粉丝澄清吴业坤与MIRROR关系要好：「坤哥同MIRROR好friend嘅！当年演唱会，MIRROR未红请MIRROR做嘉宾，真正嘅MIRROR fans会好锺意坤哥，坤哥幽默阿。如果一张相都会上纲上线嘅……系乜水就真系唔知啦！」亦有理性镜粉闹爆闹玻璃心粉丝：「我系镜粉，睇完笑下咪算，粉丝行为偶像买单，搞到咁多人唔钟意甚至要攻击佢地，唔多唔少都系某类s粉丝造成🙂」
在RubberBand向泥鯭道歉后，欧阳伟豪（Ben Sir）亦加入战场，在fb留言：「社会真系死气沉沉，日日都见到人道歉，仲要同自己粉丝道歉。你喺街hi我，我都未必啋你，仲要同你道歉？星嚟㗎！」结果令Ben Sir facebook亦成为战场。今早（12日）Ben Sir自封「抽水侠」再在fb自嘲：「突发：早晨，抽水侠提提你：抽水前，请三思。唔使指名又道姓，引人遐想先至醒。」
【其他阅读】：
东张西望丨「假和尚」疑再来港化缘搵食 翁静晶列3点教分真假：个砵只装食物唔可以收钱
71岁吴大强晕倒不足一周火速复工 精神奕奕现身演唱会彩排：Uncle顶得住！
48岁陈嘉容素颜自拍被寸过度「加工」 即晒索爆旧照逐一留言还击
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应