专栏｜天残地缺川崎前锋「红」唔起

艾尔曾经提过，以目前嘅阵容，今季川崎前锋唔好讲争冠，争前四都非常困难。暂时8战2胜2和4负，执笔嗰阵球队畀榜首嘅神户胜利船甩开10几分，畀今场面对嘅红钻少一半分数。当然，依家只系季初阶段，好多嘢唔能够一下子批得死。只不过，艾尔觉得川崎前锋面对嘅困境，唔系短时间内可以解决。

多位前季嘅夺冠功臣出晒去搵食，川崎前锋可以话天残地缺。后防无咗谷口彰悟，谢斯尔卡度素独力难支。中场新人橘田健人火喉未够，脇坂泰斗踢唔番前季嘅水准，高价加盟嘅「泰国球王」猜拿迪普桑格辛伤多过踢，表现货不对办。前锋李安度达美奥、小林悠年纪一把，宫代大圣亦唔系可靠嘅射手。35人嘅阵容当中，一系就年纪偏大，一系就未够经验。川崎前锋攻不锐、守不稳，8场赛事只有2场保持不失，再系咁落去，艾尔都好戥鬼木达监督饭碗担心。

川崎前锋上场喺联赛杯大炒清水心跳6球，叫做无咁颓喇，但暂时联赛4场主场不胜，今场对住作客打法偏向保守、连续10场赛事不败嘅浦和红钻，艾尔实在唔觉得川崎前锋有十足嘅把握，推介客队让球平手盘。艾尔

-----

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料: https://bit.ly/3IMunqd

你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ