专栏｜打法实际　名古屋鲸鱼破红钻有计

上季日职冠军横滨水手同亚军川崎前锋，今季个头开得唔系太顺。艾尔觉得横滨水手阵容无乜大变，好听啲叫稳定，唔好听啲叫无乜新鲜感，争冠嘅决心未必有咁大，嚟紧仲要应付亚冠战綫，我唔太睇好佢哋成功冧庄。

至于前届冠军川崎前锋，随住三笘薰、旗手怜央、田中碧、谷口彰悟等星级球员先后出外搵食，队中剩番李安度达美奥、小林悠、家长昭博呢啲老将，宫代大圣、远野大弥、橘田健人等新人火候未够，即使鬼木达监督谂尽办法，但奈何阵容实力大不如前，踢唔番昔日嘅霸气。如果球队季中无乜补强，唔好讲话亚冠，以𠵱家嘅人脚应付联赛都比较吃力，想投注川崎前锋冠军嘅朋友，真系小心为上呀。

心水方面，名古屋鲸鱼上季开始长谷川健太监督执教，打法非常沉闷，但胜在够实际，今季加盟嘅永井谦佑同卡斯珀真卡喺前綫有唔错嘅化学作用。今轮球队虽然要面对近7仗赛事不败嘅浦和红钻，但艾尔觉得两队阵容实力不相伯仲。

鲸鱼始终有主场优势，过去6次主场对红钻都不败，鲸鱼让球平手盘实在抵买，另外可敲大阪樱花对札幌冈萨多嘅入球大细2.5「大」。艾尔

-----

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料: https://bit.ly/3IMunqd

你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ