独家丨张国荣不屑巨星闹Fans X街拒做朋友 尘封20年绝密趣事曾被王力宏「拒绝」

一代巨星张国荣(哥哥)离世20周年，传媒都狂做怀念哥哥系列，《头条日报》从行内人收到尘封20年，有关哥哥的绝密娱圈趣事，另又提供两张私人珍藏30年的哥哥靓相，绝非Google公海质素，让Fans怀缅偶像昔日风采。从嘘声中成长的哥哥，出道初期经历唔少辛酸，故有江湖地位后不忘扶掖后辈，避走冤枉路，好似钦点舒淇拍《色情男女》令她成功转型。哥哥眼光独到，好多新人恨获加持，但当年的王力宏就相当唔识趣。另外，哥哥睇唔过眼有巨星戴面具对Fans，合作过后就不相往来。采访：娱乐组

绝密靓相之一，摄于中国会，穿上黑色西装配黑色煲呔的哥哥斯文靓仔，盛装打扮跟相熟传媒去晚宴。

绝密靓相之二，踢拖开工的哥哥衣著衬晒色，留意返，哥哥手指及脚指甲好整齐，因为一直有搵人修甲。

哥哥钦点舒淇拍《色情男女》转型，从此跳出3级女星框架。

曾跟张学友拍过《倩女幽魂2人间道》及《阿飞正传》，哥哥当学友如细佬般照顾。

黎明已故契妈小青系哥哥麻雀脚，故哥哥视黎明如契仔，当年黎明参加完新秀后，张国荣系第一个约佢食饭嘅巨星。

张卫健初出道时，被张国荣赐为「表哥」，从而令更多人认识。

古天乐于TVB拍剧时深得哥哥欢心，曾引荐他拍电影《夜半歌声》，可惜TVB唔放人。

林忆莲录制新歌，哥哥过台湾为她读白。

哥哥同莫文蔚妈咪系世交，他以Uncle身份睇住世侄女，安排Karen首踏红馆做他个唱嘉宾。

1999年邀请刚出道的张栢芝拍音乐剧《左右情缘》，翌年栢芝发生交通意外哥哥又送她护身符。

拍《异道空间》时剧组背后偷叫林嘉欣做肥妹，哥哥反而赞她肥得可爱，畀唔少信心呢位新人。

哥哥于2000年1月21日，以贴身透视装加闪令长裤及头巾，再配衬长大褛，现身红馆领取《十大中文金曲》颁奖礼的最高荣誉「金针奖」，哥哥一口气唱出串烧新旧歌助庆，期间开心到围住4面台系咁跑，当唱到《黑色午夜》时突然跑埋观众席揽实刘德华，力度大到将华仔撞跌落凳。之后哥哥喺偶像陈宝珠手上接过奖项，最后唱出《无心睡眠》更由梅艳芳伴舞。

哥哥喺偶像陈宝珠手上接过《十大中文金曲》嘅「金针奖」。

哥哥领取「金针奖」当晚唱串烧歌，突然跑埋观众席揽实刘德华，力度大到将华仔撞跌落凳。

大人有大量唔放喺心

心情大靓的哥哥当晚于庆功宴上见人就开心狂揽，仲主动向当年「最有前途新人男歌手」金奖得主王力宏(Leehom)攞联络电话，但Leehom啱啱入行懵盛盛，一时间不知所措，惟有提供唱片公司电话，请咗哥哥食「柠檬」，事后仲话冇谂过畀私人电话哥哥。好彩哥哥大人有大量，不但冇嬲Leehom，更邀请他在其执导的公益短片《烟飞烟灭》担任第二男主角，片中Leehom演助理摄影师Dave，同哥哥有唔少对手戏，哥哥唔止摸Leehom块面，最后丧子的哥哥被Leehom拖住手上演内心戏，最后更爆喊将个头挨落Leehom肩膊。

除Leehom系新人外，有份拍《烟飞烟灭》嘅梅艳芳、莫文蔚明显系哥哥「自己人」。

哥哥喺《烟飞烟灭》中摸Leehom块面，羡慕死人。

做感情戏时仲捉住手仔。

一齐睇Play Back。

巨星闩窗变脸闹Fans

哥哥经常教导后辈唔止要唱好歌、拍好戏仲要做个好人，行内人爆料，指哥哥曾经跟一位巨星在内地拍戏，却不屑对方虚伪行为，「哥哥亲证嗰位红星帮Fans签名、影相，笑晒口来者不拒，但一闩窗就变脸闹爆人哋系X街，哥哥睇唔过眼同身边人讲返件事，话不值巨星戴住个假面具，所以哥哥唔会同『佢』做朋友，拍完戏就冇交往。」

以往哥哥同唔少红星、巨星合作过，包括林青霞。

同王祖贤合作《倩女幽魂》。

和发哥、红姑拍《纵横四海》。

与梁家辉、王菲拍《恋战冲绳》。

跟华仔拍过电影《新上海滩》。

毛舜筠系哥哥旧情人知己。

同梅艳芳系好友加好拍档。

电影《春光乍泄》剧照，张国荣、梁朝伟。

和商天娥合作电视剧《侬本多情》。

当年跟张曼玉出战商台蓝篮球赛。

作歌《如果你知我苦衷》畀周慧敏。

拍袁靓靓做《金枝玉叶》。

刘嘉玲仲系哥哥麻雀脚。

另外，哥哥逝前常对住朋友唱郑少秋的《楚留香》，尤其最爱歌词「来得安去也写意人生休说苦痛…聚散匆匆莫牵挂…千山我独行不必相送。」唱出在世46年心声。行内人又指哥哥为人好好，经常会安慰遇上难题嘅朋友，「使唔使死先？！」但自己最后选择走呢条路，提起都相当心酸。

哥哥笑容好迷人。

坚靓仔。

哥哥型到爆。

哥哥同已故爱犬Bingo好有感情。

当扎时代嘅哥哥。

哥哥出浴。

哥哥好性感。

细个时眼大大好精灵。

迷人笑容。

哥哥露腿呀。

当年仲系小鲜肉嘅张国荣。

同当年小花倪诗蓓拍过拖。

古装look哥哥。

《星岛头条》APP经已推出最新版本，请立即更新，浏览更精彩内容：http://www.stheadline.com/