瑞信最高层下周现身香港出席投资论坛

近排欧美银行引发嘅金融危机，搞到全球投资者人心惶惶，其中喺暴风眼嘅知名投行瑞信（Credit Suisse），虽然有央行「科水」暂时避过倒闭风险，但自身一堆内部问题仍有待解决。就喺呢个风头火势下，瑞信最高层们居然唔留守大本营，反而将会喺下周嚟香港出席自家主办投资论坛，同特首李家超齐齐「Hello Hong Kong」，唔通系想顺道安抚下投资者嘅心情，同搵「水喉」扑火？

瑞信举办嘅第26届「瑞信亚洲投资论坛」（Credit Suisse Asian Investment Conference），将一连3日于下周二至四（21日至23日）喺香港举行。今次不但系2019年疫情后首次以实体形式举行，瑞信高层更倾巢而出，集团主席Axel Lehmann、集团行政总裁Ulrich Körner及亚太区首席执行官Edwin Low，都会现身香港。根据资料，佢地3人将分别出席论坛，各自喺一日发表欢迎词。

呢次论坛喺香港一间5星级酒店举行，以「拥抱新格局 （Embracing reality）」为主题， 探讨在加息潮及地缘政治紧张的的新世界下，亚洲的世界地位、前景及将面临的挑战。瑞信依家自己都系「泥菩萨」，或者真系要听下专家意见，睇下点样应对依家嘅处境呢？

 

一按即看瑞信亚洲投资论坛卖点：

 

瑞信今年将在香港举行亚洲投资论坛，是2019年疫情后首次。

该论坛集合了超过2000名投资者和230间全球企业，将有超过80名演讲嘉宾，齐齐hello Hong Kong

出席者包括瑞信主席Axel Lehmann

出席者包括瑞信行政总裁Ulrich Körner

出席者包括瑞信亚太区首席执行官Edwin Low

出席者包括冒险节目《人在野》主持Bear Grylls

瑞信亚洲投资论坛一连3日举行，以「拥抱新格局 （Embracing reality）」为主题， 探讨在加息潮及地缘政治紧张的的新世界下，亚洲的世界地位、前景及将面临的挑战。

 

作为香港重新同世界接轨后，其中一项国际级大型金融活动，瑞信呢个论坛又的确星光熠熠，不但瑞信高层倾巢而出，更号称集合咗超过2000名投资者同230间全球企业，将有超过80名演讲嘉宾，除咗有香港行政长官李家超、港交所（388）行政总裁Nicolas Aguzin，更有知名冒险节目《人在野》主持Bear Grylls，佢将会喺论坛第二日下午以《 Pushing to the limit — is it really all in the mind?》为题演说，分享佢喺建立弹性心态同将人类能力推向极限方面嘅专业知识。