黑衣人港铁乱打筋肉男 大只仔揪住讲足6分钟：大只唔代表要畀你打！｜Juicy叮

网络有影片热传，有筋肉男声称在港铁内被一名黑衣人无故乱打，筋肉男非常克制没有还手，报警后即时揪实黑衣人，举手机自拍讲足6分多钟作证据，期间屡爆金句，包括「我大只唔代表要畀你打」、「大只有咩犯规？」、「香港人唔会好似你咁，唔会走，承担罗」，引来网民热议。

事发在本周二（3月14日）下午，地点在港铁旺角站。筋肉男捉实涉嫌施袭者，拿起手机自拍，并将影片上载其个人Instagram。

黑衣人施袭断正 大只仔6分钟精警独白｜足本字幕版↓↓↓↓

（事发在本周二（3月14日）下午）

（地点在港铁旺角站）

（路人拍到影片，看到筋肉男揪实黑衣人，举手机自拍。）

地铁职员无㩒住佢，佢打我几拳，流晒血。

佢坐硬监，打我几拳，踢我部手机，手指畀佢打中晒。

佢走喎，我梗系唔X畀佢走啦。

打交？你坐硬监，你坐第3次，无啦啦「中」X我。

好在港铁有CCTV，影到晒。

我梗系啱啦，捉你梗无事㗎，我畀你打呀？

唔关事，我大唔大只，我保护自己。

坐硬监啦，唔驶讲咁多嘢。

你健美教练？讲咁多嘢，你道友㗎嘛？咁X瘦。

道友？道友！唔好话系健美教练。

我睇小你，定你睇小我呀？我睇小你咩呀？

你仲要饮酒先打我，CCTV影住。

我唔使理你，你做咩唔紧要。

你梗系唔惊我啦，你打X咗我啦嘛。

你讲咩唔紧要，好在地铁有CCTV。

梗系捉住你，走几次呀大佬。

我唔惊，你再打，我畀你打呀，你打呀。

（黑衣人：我真系惊你㗎。）

有边个唔惊我？XX仔，XXXX，话自己健身教练。

你识边个唔紧要......

我梗系捉住你，你走㗎嘛。

佢同我讲，坐X咗两次监，依家咪坐第三次罗。

我嘅心脏跳得好X快，我好X惊，其实我争啲晕㗎啦。

我仲乜打你，你当我白痴呀，你白痴嚟㗎，我梗系唔系白痴啦，我商人嚟㗎......

我香港人，我做个香港先生添，香港人好似你咁，死X咗啦，好似你咁。

你啱呀，香港人唔会好似你咁，唔会走，承担罗，坐监罗。

（黑衣人这时不断自言自语）

唔好行咁埋，我话你知。

我系傻㗎咩？我会打佢？我话畀你哋听，佢赔硬工伤畀我。

我无事？我手指中X晒。

我好X强？我大只唔代表要畀你打。

大只有咩犯规？......做咩事畀人打？打X咗三锤。

佢话佢自己健身教练喎，唔好影衰咗健身教练，香港就系好多呢啲话自己......

唔好呀，唔好，你烂仔嚟㗎，唔好影衰咗健身教练，你烂仔嚟㗎，你烂仔嚟㗎，你烂仔嚟㗎。

（筋肉男一度在镜头前展示舌头伤势）

（这时警员到场调查）

（筋肉佬坐下）我晕啦大佬，佢走X咗三四次，佢打X我手都肿埋。

我晕啦大佬，佢打X咗我几拳，你睇我手指肿埋......佢走X咗三次呀。

我有报警。

佢打我三拳，睇吓我肿晒，

佢走，地铁职员唔理，我先捉住佢啦。

我畀人打，大家帮我做证。

佢话佢黑社会，你哋要保护我......你哋可唔可以扶我呀，我肿X晒。

(筋肉男最后应警员要求停止直播)

港铁发言人回覆传媒查询时表示，旺角站在周二（3月14日）下午约5时20分有2名男乘客争执，职员报警求助，期间曾劝告该2名乘客停止相关行为，并在场维持秩序，事件交由警方处理。

警方发言人表示，周二（3月14日）下午约5时23分接获报案，指有两名男子在旺角站打架，人员到场后拘捕一名姓卢(41岁)及一名姓何(31岁)男子，涉嫌「在公众地方打架」，两人报称受伤，由救护车送院。

-------
《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料: https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ