港女发文公审工友眼超超 网民唔撑：兜个圈想人话佢索靓正｜Juicy叮
2023-03-16 14:57 
一名港女于Instagram（IG）贴相发布限时动态，声称相中的3名地盘工友「净系用对眼已经侵犯紧我」，并发文指3人「以一副有恃无恐嘅眼光咁望住我」，批评「如果懂得避忌，知羞耻，我系唔会影到一张咁嘅相」。
结果围炉不成反遭网民以「小学鸡都明」的理论围攻——「你唔望人点知人望你」，并指「佢哋3个见你系咁望佢哋，仲偷拍，佢哋觉得你仲奇怪」、「唔想畀人望咪笠住个胶袋先出街」、「兜咁大个圈想人话佢索靓正」。另有网民认出现场为观塘「丽港城」一带。
港女声称遭眼光侵犯实况及网民回应：
该名港女发的公审帖文如下：
「寻日中午时份，我由公司楼下行去巴士站，图中果3个男人一直跟喺我后面，当中有对我指指点点，评头品足，其实我一直都有呢类型嘅遭遇，我惯惯哋，可怒不可言。
我一直行到去途中（图中）嘅安全岛，我同嗰3个男人都要停喺度等车过。而佢地仍然都系用D咁侵犯嘅眼光望住我。
我已经直视返佢哋示意我嘅不满，然而，佢哋仍然系一副有恃无恐嘅眼光咁望住我，摆到明咁不怀好意地望，所以我先影到一张咁嘅相。如果一个人懂得避忌，知羞耻，我系唔会影到一张咁嘅相。一个人唔识尊重人，唔识尊重自己，其实同佢著咩衫冇关，做咩职业无关。反而系呢D咁嘅人，拖垮咗佢嘅职业。
本来咁小事，唔想讲太多，但系我见咁多人都将呢件事牵扯到职业上，我唔想抵毁咗人哋。其实我都系想要一个平视嘅对待。我行得正企得正，对得住天地良心。我都未惊过。」
转载相片的网民则指，「我发觉宜家行出街真系好大压力，唔可以向前望，又唔可以周围望，只要你系男人，就唔可以抬起头做人」。网民纷起和应，对港女的语论各有各闹：
•即刻扮上菜
•望下都公审，巧惊丫
•我见到「自己攞嚟衰」
•唔想畀人望咪笠住个胶袋先出街
•有自信都系好嘅......不过个几个呀叔比人屈就惨D
•呢个帖已经完美演释佢点样已经习惯比人评头品足
•佢3个见你系咁望佢地，仲偷拍，佢哋觉得你仲奇怪
•可能对家都有同感⋯⋯想呕，兜咁大个圈想人话佢索靓正
•我觉得佢只系睇唔起地盘工人，如果西装友望住佢睇下佢出唔出声
•其实我想知，佢当时的衣著如何，会唔会好暴露，身材会唔会好正，有咩特点可以引人望住你呢
•其实就算望，都唔代表系觉得你吸引，只系望吓啫，咁就大压力，似乎系自己本身有mental issues（心理问题）
有网友读毕广大网民回应后作出总结：「见到里面一面倒100%嘅留言我就放心晒」。
帖文来源：大埔 TAI PO
相关新闻：
瑜伽裤女搭港铁遭「视奸」 公审大叔猥琐狂𥄫 网民竟唔buy
同场加映：
咸蛋超人惨遭小朋友「咸猪手」Ｏ晒嘴 网民笑翻：再强也有弱点
网上流传一段短片见到咸蛋超人惨遭小朋友「咸猪手」，超人「遇袭」后即使隔著面具，也彷佛看到「O嘴」惊愕表情，笑翻网民。
片中见到咸蛋超人在街头紧握拳头，摆好姿势接受fans围观，见到一位小童上前与超人握手，摸过超人粗壮的手臂后，竟将视线转至超人胯下，小手开始不安分起来，从捉著超人的手开始慢慢移开，向「小超人」位置进发实施偷袭行动。
小童「手到拿来」实况：
面对「偷袭行动」，吓得原本企得直直、威风凛凛的超人连忙弯身退缩，马步不稳后退两步并挡著重要位置护体。网民都被小朋友的天真举动笑翻，问「哈哈哈哈哈哈，我到底看了甚么」。有人则尝试替超人配音，吐露心声「不要乱摸，等下很尴尬」、「要小心」、「多手」。另有网民抵死地将「咸蛋超人」改名「鸟蛋超人」，形容做法好比「猴哥抓桃」，也发现了「再强的超人也会有弱点」。
有相信是家长的网民指，是「小孩子好奇心」、「跟我的孩子一样」。翻看资料，网上另有一段相似的小童「偷袭」超人短片。
----
《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料: https://bit.ly/3IMunqd
你的独家报料一旦被采用及报导，将获得乙份奖品。
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应